Aus Open: ნაომი ოსაკამ პეტრა კვიტოვა დაამარცხა და ზედიზედ მეორე დიდი სლემი მოიგო!
მსოფლიოს მე-4 ჩოგანმა იაპონელმა ნაომი ოსაკამ ავსტრალიის ღია პირველობის ფინალში ჩეხი პეტრა კვიტოვა სამ სეტში 7:6 (7:2), 5:7, 6:4 დაამარცხა და ზედიზედ მეორე დიდი სლემის გამარჯვებული გახდა.
That's not fair, @Naomi_Osaka_ ????????#AusOpen pic.twitter.com/jiEIjRlp0A
— #AusOpen (@AustralianOpen) January 26, 2019
ამიერიდან WTA-ს განახლებულ რეიტინგში ნაომი პირველი ჩოგანი იქნება. გამარჯვების შემდეგ ოსაკამ საპრიზო ფონდისთვის განკუთვნილი 4.1 მილიონი დოლარი მიიღო, ხოლო კვიტოვამ 2.1.
.@Naomi_Osaka_ drops the hammer ????#AusOpen pic.twitter.com/lT09FVTkPp
— #AusOpen (@AustralianOpen) January 26, 2019
მას შემდეგ რაც ოსაკამ US Open-ის ფინალში სერენა უილიამსი დაამარცხა, რასაც ავსტრალიაში გამარჯვებაც მიაყოლა, ის გახდა პირველი ჩოგბურთელი, რომელმაც თავისი სადებიუტო ტურნირის (სლემის) მოგების შემდეგ მომდევნო დიდი სლემიც მოიგო.
ოსაკასა და კვიტოვას ფინალურმა შეხვედრამ 2 საათსა და 30 წუთს გასტანა, რომელიც იაპონელის დამსახურებული და ლოგიკური გამარჯვებით დასრულდა.
What a moment. @Naomi_Osaka_ wins her second Grand Slam in a row ????????#AusOpen pic.twitter.com/9TTskXIH9E
— #AusOpen (@AustralianOpen) January 26, 2019
ასევე გეტყვით, რომ ნაომი ოსაკა კარიერაში პირველად გახდა მსოფლიოს პირველი ჩოგანი. ის არის პირველი იაპონელი, ვისაც მელბურნში მთავარი პრიზი აქვს მოპოვებული.
კვირას 27 იანვრას ფინალური დაპირისპირება ვაჟთა შორისაც გაიმართება, სადაც ერთმანეთს რაფაელ ნადალი და ნოვაკ ჯოკოვიჩი დაუპირისპირდებიან.