''მილანში'' 3 პირს კორონავირუსი დაუდგინდა
იტალიელი ჟურნალისტის ნიკოლო შირას ინფორმაციით ''მილანის'' 3 თანამშრომელს კორონავირუსი დაუდგინდა. ამ ეტაპზე უცნობია აღნიშნულ პირებს შორის არიან თუ არა ფეხბურთელები.
Emergenza #COVIDー19 sempre più forte nel mondo del calcio: oltre ai 6 casi della Fiorentina e ai 4 giocatori della Sampdoria ci sarebbero 3 tesserati positivi anche nel #Milan. La ripartenza della #SerieA si fa sempre più complicata. #coronavirus
— Nicolò Schira (@NicoSchira) May 8, 2020
როგორც Eurosport-ი იუწყება, ''ფიორენტინას'' 3 ფეხბურთელსა და 3 თანამშრომელს კორონავირუსის ტესტზე დადებითი პასუხი აქვთ. გარდა ამისა, ''სამპდორიას'' 4 ფეხბურთელია ინფიცირებული.
ბერგამოს ''ატალანტას'' ფეხბურთელს, მარკო სპორტიელოს კორონავირუსი მარტში დაუდგინდა. მიმდინარე კვირაში ჩატარებული ტესტის მიხედვით სპორტსმენი კორონავირუსისგან განიკურნა.
მთავრობის მიერ წარდგენილი გეგმის მიხედვით, აპენინურ კლუბებს ფეხბურთელთა ინდივიდუალურად დატვირთვა 4 მაისიდან შეუძლიათ, 18 მაისიდან კი გუნდური სავარჯიშო პროცესის განახლების საშუალება მიეცემათ.
სერია A-მ სეზონის დასრულების თარიღი 30 ივნისიდან 2 აგვისტომდე გაახანგრძლივა.
