20 წლის კახა ჟღენტი იტალიის სერია B-ს “ვირტუსში” ითამაშებს
საქართველოს კალათბურთელთა ასაკობრივი ნაკრების წევრი, 20 წლის კახა ჟღენდი კარიერას იტალიის სერია ბ-ს ბინადარ „ვირტუსში“ გააგრძელებს.
ახალგაზრდა ქართველი კალათბურთელი გასული წლის განმავლობაში იტალიაში იმყოფებოდა და ამ დროში 2 კლუბში იასპარეზა. ჯერ სერია ც-ს „ისერნიაში“, ხოლო შემდეგ სერია ბ-ს წარმომადგენელ „ვირტუს კასინოში“, სადაც მისი საშუალო მონაგარი 4.7 ქულა და 1.4 მოხსნა იყო.
პანდემიის დასრულების შემდეგ, ჟღენტით რივო დი პუჯიას „ვირტუსი“ დაინტერესდა და მასთან კონტრაქტის გაფორმება გადაწყვიტა.
კახა ჟღენტი საქართველოს ასაკობრივი ნაკრების სტაბილური წევრია. მან, ბოლოს ევროპის 18-წლამდელთა ჩემპიონატზე ითამაშა. წელს კი მას 20-წლამდელთა რიგებში თამაში უწევდა, პანდემიის გამო თბილისში გასამართი ევროპის B დივიზიონი და ფიბა-ს ყველა საკონტინენტო პირველობა 2022 წლამდე გადაიდო.