სკანდალი MMA-ში - მახრჩობელა ილეთის შემდეგ მებრძოლი მსაჯს ფიზიკურად დაუპირისპირდა
UAE Warriors 12-ის ფარგლებში აჰმად ალ დარმაკისა და ბოგდან კირილენკოს შორის დღეს გამართულმა ბრძოლამ MMA-ის გულშემატკივრების ყურადღება მიიპყრო. ამის მიზეზი დაპირისპირების შემდეგ განვითარებული მოვლენები გახლავთ.
პირველი რაუნდის ბოლოსკენ ალ დარმაკიმ მომენტით ისარგებლა და მახრჩობელა ილეთი განახორციელა. კირილენკო მას მალევე დანებდა, მაგრამ აჰმადმა მეტოქეს ხელი არ გაუშვა, რა დროსაც საქმეში მსაჯი მარკ გოდარდი ჩაერია.
ბრიტანელმა რეფერიმ ალ დარმაკის ხელი გააშვებინა, რასაც მებრძოლის მხრიდან უკმაყოფილება მოჰყვა. იგი მსაჯს ფიზიკურად დაუპირისპირდა და რამდენჯერმე ხელი ჰკრა. საბოლოოდ, მან დისკვალიფიკაცია მიიღო და გამარჯვებულად კირილენკო გამოცხადდა.
Ahmad Al Darmaki was just DQ'd after he refused to release an RNC against Bogdan Kirilenko. Things got physical between him and ref Marc Goddard.#UAEWarriors12 pic.twitter.com/XF1azA1Jzs
— caposa (@Grabaka_Hitman) July 31, 2020
აღსანიშნავია, რომ მოგვიანებით, ალ დარმაკიმ ბოდიში მოიხადა, მაგრამ MMA-ის გულშემატკივრების კრიტიკას მაინც ვერ გადაურჩა.