„ყველაზე ღრმა ოკეანეში ჩავიყვან და დავახრჩობ" - ხაბიბი გეიჯის აფრთხილებს

UFC-ის მსუბუქი წონითი დივიზიონის საჩემპიონო ქამრის მფლობელმა, ხაბიბ ნურმაგომედოვმა მომდევნო ოპონენტი, ჯასტინ გეიჯი გააფრთხილა. „არწივმა“ UFC-ის კომენტატორის, ჯო როგანის მიერ „ინსტაგრამზე" გამოქვეყნებულ პოსტზე კომენტარი დატოვა და 24 ოქტომბერს გასამართ ბრძოლას შეეხო.

„ჯასტინი ძალიან კარგი ბიჭი და შესანიშნავი მეტოქეა, მაგრამ როცა ოქტაგონის კარი დაიხურება, ის მხოლოდ კრივისთვის არ უნდა იყოს მზად. მე არც დასტინი (პორიე) ვარ და არც ტონი (ფერგიუსონი). მე მას ყველაზე ღრმა ოკეანეში ჩავიყვან და დავახრჩობ“.

View this post on Instagram

Awesome morning at the studio where I had the privilege of seeing the savage @justin_gaethje and the master Trevor Whitman of @onxlabs put in work! Thank you also to my brother @yacoubianmuaythai for the awesome training session!

A post shared by Joe Rogan (@joerogan) on Aug 3, 2020 at 11:55am PDT

შეგახსენებთ, რომ ნურმაგომედოვს კარიერაში 28 ბრძოლა აქვს ჩატარებული და არცერთხელ დამარცხებულა. გეიჯის რაც შეეხება, ამერიკელის ანგარიშზე 22 მოგება და 2 წაგებაა. ხაბიბმა UFC-ში ბოლოს 2019 წლის 7 სექტემბერს იჩხუბა და დასტინ პორიე დაამარცხა. გეიჯიმ კი ბოლო ჯახი ტონი ფერგიუსონის წინააღმდეგ გამართა და ყველასთვის მოულოდნელად „ელ კუკუის" დამაჯერებლად სძლია.