დონჩიჩის ისტორიული მატჩი და მორიგი რეკორდი - დალასმა საკრამენტო დაამარცხა
„დალას მავერიქსის“ კალათბურთელი, ლუკა დონჩიჩი NBA-ის რეკორდების დამხობას განაგრძობს. 21 წლის სლოვენიელი ამჯერად „საკრამენტო კინგსის“ წინააღმდეგ ოვერტაიმში მოგებულ შეხვედრაში გამოირჩა და აქტივში 34 ქულა, 20 მოხსნა და 12 შედეგიანი გადაცემა ჩაიწერა.
დონჩიჩი NBA-ის ისტორიაში ყველაზე ახალგაზრდა კალათბურთელი გახდა, რომელმაც მინიმუმ 30-ქულიანი, 20-მოხსნიანი და 10-ასისტიანი სამმაგი დუბლი მიითვალა. ლუკამ ეს შედეგი 21 წლისა და 158 დღის ასაკში დააფიქსირა და ლეგენდარული ოსკარ რობერტსონის მიღწევა გააუმჯობესა.
Luka Doncic finished with 34 Points, 20 Rebounds and 12 Assists. He became the first Mavs player to have a 30-Pt/20-Reb/10-Ast Triple-Double.
— ESPN Stats & Info (@ESPNStatsInfo) August 4, 2020
He also became the youngest player with a 30-point, 20-rebound triple-double in NBA history (21 years, 158 days old). pic.twitter.com/2ArI1BabZB
დონჩიჩის წინამძღოლობით „დალასმა“ 114-110 მოიგო და მიმდინარე რეგულარულში 41-ე გამარჯვება მოიპოვა. „მავერიქსის“ რიგებში სლოვენიელის გარდა 22-22 ქულით პორზინგისი და ჰარდაუეი გამოირჩნენ. დორიან ფინი-სმიტმა კი მატჩი ორმაგი დუბლით დაასრულა - 16 ქულა, 16 მოხსნა.
If you don't believe in Luka Magic, you're missing out. ????#MFFL pic.twitter.com/u8evj4OqWG
— Dallas Mavericks (@dallasmavs) August 4, 2020
„საკრამენტოს“ რაც შეეხება, „კინგსს“ 28 ქულით დიაარონ ფოქსმა ულიდერა. ბადი ჯილდმა 21 ქულა დააგროვა, ხოლო კენტ ბეიზმორი 16 ქულას დასჯერდა.
Another solid outing for Swipa ????
— Sacramento Kings (@SacramentoKings) August 4, 2020
28 PTS | 9 AST | @kpgreatersac pic.twitter.com/V7B1negjeB
ცნობისთვის, „დალასი“ მომდევნო შეხვედრას „კლიპერსის“ წინააღმდეგ გამართავს. „მეფეები“ კი უშუალო კონკურენტს, „ნიუ ორლეან პელიკანსს“ დაუპირისპირდებიან.
