ჰარდენის კარიერაში მესამედ - "წვერას" სუპერთამაშმა ჰიუსტონს ვერ უშველა
ჯეიმს ჰარდენის ბრწყინვალე თამაშის მიუხედავად, „ჰიუსტონი“ გოგა ბითაძის „ინდიანასთან“ დამარცხდა და დასავლეთ კონფერენციის მე-4 ადგილისთვის ბრძოლაში საქმე გაირთულა.
მატჩის ოთხივე მეოთხედი შედარებით თანაბარ ბრძოლაში წარიმართა, საბოლოოდ კი „პეისერსმა“ 4-ქულიანი სხვაობით - 108:104 მოიგო. ჰარდენმა 45 ქულა და 17 მოხსნა მიითვალა და კარიერაში მესამედ ჩაატარა ისეთი მატჩი, რომელშიც მინიმუმ 45 ქულა და 15 მოხსნა ჰქონდა. „წვერას“ სამმაგ დუბლამდე მხოლოდ 1 შედეგიანი გადაცემა დააკლდა.
James Harden had his 3rd career game with 45 pts and 15 reb vs the Pacers today.
— ESPN Stats & Info (@ESPNStatsInfo) August 12, 2020
According to Elias Sports Bureau, since starts were first tracked in 1970-71, Russell Westbrook (3) and Michael Jordan (2) are the only other starting guards with multiple 45-pt, 15-reb games. pic.twitter.com/ONETFGDT5O
„ინდიანამ“ მეტოქეს გუნდური თამაშით აჯობა: მაილს ტერნერმა და ჯრუ ჰოლიდეიმ 18-18 ქულა ჩააგდეს, ედმონდ სამერის აქტივში 17 ქულა იყო, ხოლო დუგ მაკდერმოტმა და ვიქტორ ოლადიპომ 16-16 ქულა გააკეთეს.
რაც შეეხება გოგა ბითაძეს, მან პარკეტზე თითქმის 17 წუთი გაატარა, რა დროშიც 4 ქულა და 3 მოხსნა ჩაიწერა აქტივში.
„ინდიანამ“ 44-ე გამარჯვება იზეიმა და აღმოსავლეთ კონფერენციის მე-4 ადგილოსან „მაიამის“ გაუთანაბრდა, „ჰიუსტონსაც“ 44 მოგება აქვს და დასავლეთ კონფერენციის მეოთხე-მეხუთე ადგილებს „ოკლაჰომასთან“ იყოფს.