NBA-ის ახალი სეზონი 25 დეკემბრამდე არ დაიწყება
The Athletic-ის ინსაიდერი, შემს ჩარანია იტყობინება, რომ NBA-ის 2020-21 წლების სეზონი შერჩეულ დროზე გვიან დაიწყება.
ნაციონალური საკალათბურთო ასოციაციის მესვეურები გეგმავდნენ, რომ ახალი სეზონი 1-ელ დეკემბერს დაწყებულიყო, თუმცა ჩარანია წერს, რომ რეგულარულში და პლეიოფში განვითარებული მოვლენების გამო, მომდევნო გათამაშება, სავარაუდოდ, სტარტს 25 დეკემბრამდე არ აიღებს.
NBA’s league office informed Board of Governors today that the 2020-21 season won’t begin earlier than Christmas Day, sources tell @TheAthleticNBA @Stadium. Nov. 18 Draft date, 20-21 start date remain fluid.
— Shams Charania (@ShamsCharania) September 10, 2020
შარანიას ცნობით, NBA-ის ხელმძღვანელებმა გუნდების მფლობელების საბჭოს მიღებული გადაწყვეტილების შესახებ უკვე შეატყობინეს, თუმცა დადასტურებული ჯერჯერობით არაფერია და შესაძლოა, ყველაფერი შეიცვალოს. აღსანიშნავია ისიც, რომ NBA-ის დრაფტი დიდი ალბათობით 18 ნოემბერს გაიმართება.
შეგახსენებთ, რომ NBA-ში პლეიოფების მეორე რაუნდი მიმდინარეობს. კონფერენციის ფინალის საგზური მხოლოდ „მაიამი ჰიტს“ აქვს მოპოვებული, რომელმაც „მილუოკი ბაქსს“ 4-1 სძლია. ფლორიდელები „ტორონტოსა“ და „ბოსტონს“ შორის საუკეთესოს შეხვდებიან. დასავლეთ კონფერენციაში კი „ლეიკერსი“ – „ჰიუსტონს“ 2-1-ს, ხოლო „კლიპერსი“ – „დენვერს“ 3-1-ს უგებს.