იოკიჩის ისტორიული მატჩი, მიურეის 40 ქულა და დენვერის სასწაული - ნაგეთსმა კლიპერსი დაამარცხა
დასავლეთ კონფერენციის ფინალურ შეხვედრაში ლოს-ანჯელეს „ლეიკერსი“ „დენვერ ნაგეთსს“ დაუპირისპირდება. კოლორადოელებმა „კლიპერსს“ მეშვიდე შეხვედრაში 104-89 სძლიეს და ნაციონალური საკალათბურთო ასოციაციის ისტორია დაწერეს. „დენვერი“ NBA-ში პირველი გუნდი გახდა, რომელმაც პლეიოფის ერთ გათამაშებაში 3-1-დან სერია მინიმუმ 2-ჯერ შემოაბრუნა.
„კლიპერსმა“ მატჩი კარგად დაიწყო და პირველი ტაიმი 2 ქულით მოიგო, მაგრამ მეორე ნახევარი საშინლად ჩაატარა. ლოს-ანჯელესელებმა მესამე მეოთხედში 18 ქულა ჩააგდეს. გადამწყვეტ თორმეტწუთეულში კი პარკეტიდან პირველი ქულების ასაღებად დაახლოებით 7 წუთი დასჭირდათ და დამსახურებულად დამარცხდნენ.
One of Jamal Murray's many clutch shots in Game 7! #OculusFrontRowView
— NBA (@NBA) September 16, 2020
The @nuggets advance to the West Finals vs. LAL starting on Friday at 9pm/et on TNT! pic.twitter.com/G2zIjWlSXN
„ნაგეთსის“ წარმატების მთავარი შემოქმედები ჯამალ მიურეი და ნიკოლა იოკიჩი იყვნენ. კანადელმა 40 ქულა, 4 მოხსნა და 5 ასისტი მიითვალა და ლებრონ ჯეიმსის შემდეგ, ყველაზე ახალგაზრდა კალათბურთელია, რომელმაც მეშვიდე შეხვედრაში 40 ქულა ჩააგდო. იოკიჩს რაც შეეხება, სერბმა ცენტრმა ფენომენალური მატჩი ჩაატარა და 16 ქულა, 22 მოხსნა, 13 ასისტი, 2 ჩაჭრა და 3 დაფარება გაიფორმა.
44 MIN
— Denver Nuggets (@nuggets) September 16, 2020
40 PTS
5 AST
57.7 FG%
A new superstar has arrived. #MileHighBasketball pic.twitter.com/eKRLSjhvwY
„ჯოკერი“ NBA-ის ისტორიაში ერთადერთია, ვინც მეშვიდე შეხვედრაში მინიმუმ 20-მოხსნიანი სამმაგი დუბლი გააკეთა. ამასთან, NBA-სა და ABA-ის გაერთიანების შემდეგ, პლეიოფის მატჩში 20-მოხსნიანი ტრიპლ დაბლი მხოლოდ სამ კალათბურთელს, ნიკოლა იოკიჩს, კევინ გარნეტსა და ტიმ დანკანს აქვთ შესრულებული.
Nikola Jokic (16 PTS, 22 REB, 13 AST) becomes the first player in NBA playoff history to record a 20+ rebound triple-double in a Game 7!@nuggets advance to the Western Conference Finals vs. LAL starting Friday at 9pm/et on TNT. pic.twitter.com/rU5Vazyf2Z
— NBA (@NBA) September 16, 2020
„კლიპერსს“ რაც შეეხება, ლოს-ანჯელესელთა სუპერვარსკვლავებმა, კავაი ლეონარდმა და პოლ ჯორჯმა 38-დან მხოლოდ 10 ბურთი ჩააგდეს და ჯამში 24, ხოლო მეორე ტაიმში სულ რაღაც 5 ქულა დააგროვეს.
The Clippers led by 2 at the half in their eventual Game 7 loss.
— ESPN Stats & Info (@ESPNStatsInfo) September 16, 2020
Kawhi Leonard and Paul George combined to score 5 points on 2-18 shooting in the 2nd half.
Leonard posted his worst field goal percentage in any half of his career in which he attempted at least 10 shots. pic.twitter.com/IkB2BYBurt
ცნობისთვის, „ლეიკერსისა“ და „დენვერის“ პირველი შეხვედრა 19 სექტემბერს გაიმართება და თბილისის დროით 05:00-ზე დაიწყება.