MMA: 31 ოქტომბერს, დიუსელდორფში ამაირან გოგოლაძე ქამრისთვის იბრძოლებს
31 ოქტომბერს, დიუსელდორფში EMC-ის პრომოუშენში ჩვენთვის საინტერესო ბრძოლა შედგება - MMA-ს ქართველი მებრძოლი ამირან გოგოლაძე ნახევრად საშუალო წონით დივიზიონის ჩემპიონის ტიტულისთვის UFC-ის ყოფილ წარმომადგენელს, ისმაელ ნაურდიევს შეერკინება.
ხსენებული ბრძოლა EMC-ის ნახევრად საშუალო წონითი დივიზიონის ფინალური და მთავარი დაპირისპირება იქნება.
გოგოლაძემ 5 სექტემბერს, უკრაინელი პაველ კუში 54 წამში იოლად დაამარცხა, რის შემდეგაც ქამრისთვის ბრძოლის საშუალება მიეცა.
შერეულ ორთაბრძოლებში ნაურდიევის სტატისტიკა ასეთია - 24 ბრძოლა, 20 გამარჯვება და 4 მარცხი.
რაც შეეხება გოგოლაძეს, მან ჯამში 12 ბრძოლა გამართა, რომელთაგან 11-ის მოგება შეძლო.