15 წუთი გათიშული იყო - MMA-ის მებრძოლის ბრუტალური ნოკაუტი
CFFC 84-ის ეგიდით, ჯორდან ტიტონისა და პეტ საბატინის შორის გამართული ბრძოლა ბრუტალური ნოკაუტით დასრულდა. პირველ რაუნდში საბატინიმ კარგი კომბინაციები განახორციელა და მეტოქეს მტკივნეული დარტყმები მიაყენა.
მსაჯი იძულებული გახდა შერკინება შეეწყვიტა და გამარჯვებულად საბატინი გამოეცხადებინა. ამ უკანასკნელის მოწინააღმდეგე, ჯორდან ტიტონი კი მძიმე მდგომარეობაში აღმოჩნდა, თავს ძლივს იმაგრებდა და რომ არ წაქცეულიყო, ოქტაგონს ეყრდნობოდა. რამდენიმე წამის შემდეგ, ტიტონი ფიცარნაგზე დაეცა და გონება დაკარგა.
Wow... Brutal finish just now at #CFFC84 Pat Sabatini knocked Jordan Titoni out standing and he face plants once the ref waves it off. He's leaving on a stretcher, but gave a thumbs up as he was taken out of the cage ???? #CFFC84 pic.twitter.com/BScUXp7i2l
— MMALocksmith (@locks_mma) September 18, 2020
ჯორდანი 15 წუთის განმავლობაში გათიშული გახლდათ და რვაკუთხედი საკაცით დაატოვებინეს, რა დროსაც მან თითი ასწია და ქომაგებს ანიშნა, რომ ყველაფერი რიგზე იყო. ტიტონი ერთ-ერთ საავადმყოფოში გადაიყვანეს და ბოლოდროინდელი ინფორმაციით, თავს უკეთ გრძნობს.