დელე ალი ტოტენჰემს ტოვებს? - აგენტთან მოლაპარაკება მიმდინარეობს
მას შემდეგ რაც გუნდში გარეთ ბეილი მოვიდა, "ტოტენჰემს" დელე ალის გაშვება მოუნდა. ბოლო დღეების განმავლობაში ინგლისელით რამდენიმე კლუბი ინტერესდება. "დეზების" ხელმძღვანელობას დელეს მადრიდის "რეალში" იჯარის წესით გაშვება სურდა, მაგრამ "სამეფო კლუბმა" წინადადება არ განიხილა. ინფორმაციას ცნობილი სპორტული ჟურნალისტი ფაბრიციო რომანო ავრცელებს.
Dele Alli has been offered to many clubs on last few days. #THFC want him out after signing Gareth Bale. Real Madrid refused to get him on loan as part of the deal. PSG are in talks with his agents and considering him [as per @JBurtTelegraph]. Other clubs also in the race. ????
— Fabrizio Romano (@FabrizioRomano) September 20, 2020
ასევე ვიგებთ, რომ ალის აგენტთან "პარი სენ ჟერმენის" ხელმძღვანელობამ დაამყარა კონტაქტი. ცნობილია ის ფაქტი, რომ 24 წლის ფეხბურთელით, კლუბის მთავარი მწვრთნელი ჟოზე მოურინიოა უკმაყოფილო. პორტუგალიელის აზრით დელე ალი ზარმაცი ფეხბურთელია და მის მითითებულ ვარჯიშებს არ ასრულებს.
როგორც უკვე მოგახსენეთ პსჟ "ტოტენჰემთან" აქტიურად აწარმოებს მოლაპარაკებას. ამ ინფორმაციას ფაბრიციოს გარდა, სპორტული გამოცემა "ტელეგრაფიც" ადასტურებს.
Exclusive: Paris-Saint Germain begin talks to sign Dele Alli from Tottenham https://t.co/J2HWnkzAwy
— Jason Burt (@JBurtTelegraph) September 20, 2020
აღსანიშნავია ის ფაქტი, რომ მოურინიომ ინგლისელი ნახევარმცველი დღევანდელ მატჩში განაცხადში არ შეიყვანა. "დეზებმა" მიმდინარე სეზონის პირველი თამაში შინ "ევერტონთან" დათმო. შეხვედრის პირველი ნახევრის შემდეგ პორტუგალიელმა მწვრთნელმა ალი მოედნიდან გაიყვანა და აღნიშნა, რომ მისი თამაშით უკმაყოფილოა.
შეგახსენებთ, რომ დელე ლონდონში 2015 წელს გადაბარგდა. ამ პერიოდის განმავლობაში მან 223 შეხვედრაში მიიღო მონაწილეობა და 62 გოლი გაიტანა.