საკვალიფიკაციო ეტაპიც ვეღარ დაძლია - ბასილაშვილი ისევ დამარცხდა
ნიკოლოზ ბასილაშვილს კარიერაში საშინელი მდგომარეობა აქვს. დღეს ქართველი ჩოგბურთელი ვენის ტურნირის საკვალიფიკაციო ეტაპზე დამარცხდა და ძირითად ბადეში ვერ მოხვდა.
ნიკოლოზის მეტოქე 104-ე ჩოგანი 30 წლის სლოვაკი ნორბერტ გომბოსი იყო. ბასილაშვილი გომბოსთან 6:7 2:6 დამარცხდა.
აღსანიშნავია, რომ საქართველოს პირველი ჩოგანი ხსენებულ შეხვედრას პირველ სეტში 3:1-ს იგებდა, მაგრამ ყველაფერი მის საწინააღმდეგოდ დასრულდა. ეს კი ზედიზედ მე-11 წაგება იყო.
სლოვაკ ჩოგბურთელამდე ნიკოლოზი საფრანგეთის ღია პირველობაზე ტომას მონტეიროსთან უშანსოდ დამარცხდა. ბოლო გამარჯვება კი ბასილაშვილმა ვლადიმირ ივანოვის წინააღმდეგ მოახერხა.
ამჟამად 28 წლის ქართველი ATP-ის რეიტინგში 34-ე ადგილზე 1395 ქულით იმყოფება.