შერმადინს ვერ აჩერებენ - MVP და ტენერიფეს ზედიზედ მე-6 გამარჯვება
ესპანეთის ლიგა ენდესაში მორიგი ტურის შეხვედრები გაიმართა. გიორგი შერმადინის „იბეროსტარ ტენერიფემ“ „უნიკახას“ სტუმრად 86:79 სძლია და ამაში ლომის წილი ქართველ ცენტრს მიუძღვის.
შერმადინმა თავისი ყოფილი გუნდის წინააღმდეგ 27:23 წუთში 22 ქულა, 7 მოხსნა, 3 გადაცემა და 1 დაფარება მიითვალა. ქართველმა ცენტრმა 8-დან ყველა ორქულიანი ჩააგდო, 7-დან კი 6 საჯარიმო გამოიყენა. მთელ შეხვედრაში მან მხოლოდ 1 სროლა გააცუდა, რაც შესანიშნავი მაჩვენებელია.
???? ¿Existirá una combinación MÁS FIABLE que la de @Huertas09 y @gioshermadini? ¡Pura COMPLICIDAD!
— Liga Endesa (@ACBCOM) October 25, 2020
???? En directo en @MovistarPlus #NoEsNormal#LigaEndesa pic.twitter.com/PI2dNbyuh0
შერმადინის მარგი ქმედების კოეფიციენტმა 31 შეადგინა და ის შეხვედრის MVP გახდა, რაც მისთვის ჩვეულებრივ ამბად იქცა.
???? @gioshermadini, otra vez en modo #MVP ????
— Iberostar Tenerife (@CB1939Canarias) October 25, 2020
???????? #VamosCanarias pic.twitter.com/GLyU3UbuhI
„ტენერიფემ“ ესპანეთის ჩემპიონატში უკვე ზედიზედ მე-6 გამარჯვება იზეიმა და სატურნირო ცხრილს ერთპიროვნულად ლიდერობს.
შერმადინი და ტენერიფე მომდევნო ტურის შეხვედრას 30 ოქტომბერს საკუთარ კედლებში „გრან კანარიას“ წინააღმდეგ გამართავს, რომლის ღირსებას საქართველოს ნაკრების წევრი ბექა ბურჯანაძე იცავს.
