რონალდუმ კორონავირუსი დაამარცხა - კრიშტიანუმ შესაძლოა სპეციასთან ითამაშოს
ტურინის „იუვენტუსმა“ ოფიციალური განცხადება გაავრცელა და გულშემატკივრებს სასიამოვნო სიახლე ამცნო. „ბებერი ქალბატონის“ მიხედვით, კრიშტიანუ რონალდუმ კორონავირუსი დაამარცხა და შეუძლია, ფეხბურთის თამაში განაახლოს.
„კრიშტიანუს Covid-19-ის დასადგენი ტესტი ჩაუტარდა, რომლის პასუხიც უარყოფითი გახლდათ. გამომდინარე აქედან, რონალდუმ ინფიცირებიდან 19 დღის შემდეგ, კორონავირუსი დაამარცხა და შეუძლია თვითიზოლაცია დატოვოს“ - წერია „ბიანკონერის“ განცხადებაში.
. @Cristiano recovers from Covid-19https://t.co/4etecyAw0O pic.twitter.com/YPZSm0My8A
— JuventusFC (@juventusfcen) October 30, 2020
Football Italia-ს ინფორმაციით, რონალდუმ სამედიცინო შემოწმება უნდა გაიაროს და გუნდს მხოლოდ ამის შემდეგ დაუბრუნდება. იტალიური გამოცემა იუწყება, რომ სამედიცინო შემოწმება ხვალაა ჩანიშნული. „იუვენტუსში“ კი იმედი აქვთ, რომ რონალდუ „სპეციასთან“ მატჩში მონაწილეობას მიიღებს.