საკვალიფიკაციო ეტაპი - ქალთა ეროვნული ნაკრები წლის ბოლო მატჩებისთვის ემზადება
Aa
Aa

საკვალიფიკაციო ეტაპი - ქალთა ეროვნული ნაკრები წლის ბოლო მატჩებისთვის ემზადება

საქართველოს ქალთა ეროვნული ნაკრები წლის ბოლო მატჩებისთვის ემზადება. ლევან ბაჯელიძის გუნდი ევრო 2022-ის საკვალიფიკაციო ეტაპის დასკვნით შეხვედრებს მიხეილ მესხის სახელობის სტადიონზე გამართავს. 26 ნოემბერს საქართველოს ნაკრები მალტას დაუპირისპირდება, 1 დეკემბერს კი, ბოსნია-ჰერცეგოვინას.

​უახლოესი მატჩებისთვის მოსამზადებელ შეკრებას საქართველოს ქალთა ეროვნული ნაკრები დავით პეტრიაშვილი არენაზე გაივლის. მთავარმა მწვრთნელმა, ლევან ბაჯელიძემ მალტისა და ბოსნია-ჰერცეგოვინას წინააღმდეგ გასამართი მატჩებისთვის 26 ფეხბურთელი გამოიძახა.

საქართველოს ქალთა ეროვნული ნაკრების შემადგენლობა:

მეკარეები: თეონა სუხაშვილი (ერეგლი ბელედიესპორი, თურქეთი), თათია გაბუნია (ლანჩხუთი), სვეტლანა გაბელაია (გორი იუნაიტედი), თეკლე გულორდავა (კვარტალი, თბილისი)

მცველები: ნინო სუთიძე (კვარტალი, თბილისი), გვანცა ქადაგიშვილი (კვარტალი, თბილისი), ანა ჯოჯუა (კვარტალი, თბილისი), ნინო ჩხარტიშვილი (ლანჩხუთი), მეგი ეჯიბია (კვარტალი, თბილისი), ნათია სხირტლაძე (ნიკე, თბილისი), ანი ძაძუა (კვარტალი, თბილისი)

ნახევარმცველები: ანასტასია ბოლქვაძე (კვარტალი, თბილისი) თამთა შენგელია (მართვე, ქუთაისი), თეონა თოდაძე (ლანჩხუთი), თეონა ბაქრაძე (ნიკე, თბილისი), ელენე კახნიაშვილი (ნორჩი დინამო, თბილისი), ნათია დანელია (კვარტალი, თბილისი), ტატა მატვეევა (ნიკე, თბილისი), ანა კულდონაშვილი (დინამო, სოხუმი), თამარ ეპიტაშვილი (გორი იუნაიტედი), ანა ჩემინავა (ჟალგირისი, ლიეტუვა)

თავდამსხმელები: ნათელა წოწერია (ლანჩხუთი), ლიზი მწყერაშვილი (ნიკე, თბილისი), მაიკო ბებია (ნიკე, თბილისი), ლელა ჭიჭინაძე (ნიკე, თბილისი), ხატია ჭყონია (ლანჩხუთი)

შეგახსენებთ, რომ საქართველოს ქალთა ეროვნული ნაკრები ევრო 2022-ის საკვალიფიკაციო ეტაპის B ჯგუფში დანიის, იტალიის, ბოსნია-ჰერცეგოვინას, ისრაელისა და მალტის ეროვნულ ნაკრებებთან ერთად ასპარეზობს

მსგავსი სიახლეები

ცხელი ამბები