ონლაინ შეხვედრა - საქართველოს ქალთა ნაკრებმა პოლონეთი დაამარცხა
საქართველოს ქალთა ნაკრებმა ამხანაგური ონლაინ შეხვედრა გამართა მსოფლიო ტოპ-ათეულის წარმომადგენელ პოლონეთის ნაკრებთან!
ასპარეზობა 3 დღეს მიმდინარეობდა, სწრაფ და ელვისებურ ჭადრაკში, შემდეგი რეგლამენტით: 10 წუთი მთელ პარტიაზე, პირველივე სვლიდან 10 წამის დამატებით;3 წუთი პარტიაზე+2 წამი პირველივე სვლიდან.
სამი დღის განამავლობაში 24 მატჩი გაიმართა და საბოლოოდ, ქართველმა მოჭადრაკეებმა ანგარიშით:74,5 : 57,5 (37,5:28,5;37:29) გაიმარჯვეს!
მატჩის საუკეთესო მოთამაშედ ლელა ჯავახიშვილი დასახელდა - მის აქტივში 24-დან 17 ქულაა!
საქართველოს ქალთა გუნდის შემადგენლობა:
- ნანა ძაგნიძე (2524)
- ლელა ჯავახიშვილი (2473)
- ნინო ბაციაშვილი (2460)
- მერი არაბიძე (2437)
- სალომე მელია (2371)
- სოფიკო ხუხაშვილი (2334)