მაგარი ჩატენვა და 13 ქულა - შენგელიას ცსკა-მ მორიგი გამარჯვება იზეიმა
თორნიკე შენგელიას ცსკა VTB გაერთიანებული ლიგის მე-12 ტურში „ავტოდორს“ დაუპირისპირდა და მეტოქეს დამაჯერებლად სძლია. „არმიელებმა“ მატჩის ბედი პირველივე ტაიმში გადაწყვიტეს და დიდ შესვენებაზე 22-ქულიანი უპირატესობით გავიდნენ. „ავტოდორმა“ მესამე მეოთხედი 6 ქულით მოიგო, თუმცა თამაშში გარდატეხა ვერ შეიტანა და 98-82 დამარცხდა.
Уверенно обыгрываем «Автодор» в Саратове!
— CSKA Moscow (@cskabasket) January 18, 2021
????@jumbo_jo7: 15 очков, 5 подборов, 2 передачи
Иван Ухов: 15 очков, 4 передач, 3 подбора
Александр Хоменко: 14 очков, 2 передачи#CSKAbasket pic.twitter.com/twUWTq5CZF
თორნიკე შენგელია სასტარტო ხუთეულში გამოჩნდა და პარკეტზე 17 წუთი და 49 წამი გაატარა. ამ დროში თოკომ 13 ქულა, 6 მოხსნა, 5 შედეგიანი გადაცემა, 1 ჩაჭრა და ამდენივე დაფარება დააგროვა.
.@TokoShengelia23 поймал отскок и воткнул данк сверху ???? pic.twitter.com/ubI2oK523m
— CSKA Moscow (@cskabasket) January 18, 2021
ქართველმა მძიმე ფორვარდმა 10-დან 5 2-ქულიანი და 3-დან 1 სამიანი ჩააგდო. შენგელიას 2 დაკარგვა ჰქონდა, ერთი პერსონალური ფოლი მიიღო და მისი სარგებლიანობის კოეფიციენტმა 17-ს უწია.
„ავტოდორის“ დამარცხების შემდეგ, ცსკა-ს 10 მოგება და 2 წაგება აქვს. „არმიელები“ სატურნირო ცხრილის მეორე ადგილს იკავებენ და მხოლოდ „ზენიტს“ ჩამორჩებიან.