30-ე სამმაგი დუბლი - დონჩიჩი რობერტსონსა და მეჯიქს შეუერთდა
„დალას მავერიქსის“ სუპერვარსკვლავი, ლუკა დონჩიჩი ლეგენდარული კალათბურთელების მიღწევების გამეორებასა და გულშემატკივრების გაოცებას განაგრძობს. გამთენიისას, სლოვენიელმა გოგა ბითაძის „ინდიანა პეისერსის“ წინააღმდეგ იასპარეზა და 13 ქულა, 12 მოხსნა და ამდენივე შედეგიანი გადაცემა დააგროვა.
???? Luka reaches 30 career triple-doubles faster than any player other than Oscar Robertson!@luka7doncic: 13 PTS, 12 REB, 12 AST pic.twitter.com/PhFXkwEKuV
— NBA (@NBA) January 21, 2021
ლუკამ კარიერაში 30-ე სამმაგი დუბლი მიითვალა და იგი ისტორიაში მე-3 კალათბურთელი გახდა, რომელმაც NBA-ში ჩატარებულ საწყის 3 სეზონში 30 ან უფრო მეტი ტრიპლ-დაბლი შეასრულა. დონჩიჩი დიდების დარბაზის წევრებს, ოსკარ რობერტსონსა და მეჯიქ ჯონსონს შეუერთდა.
სლოვენიელს მხარი 27 ქულითა და 13 მოხსნით კრისტაპს პორზინგისმა აუბა. ტიმ ჰარდაუეი ჯუნიორმა და ჯეილენ ბრანსონმა 19-19 ქულა დააგროვეს, ტრეი ბერკი და უილი კოლი შტაინი კი 22 და 10 ქულით გამოირჩნენ.
„დალასმა“ „ინდიანას“ დამაჯერებლად, 124-112 სძლია. გოგა ბითაძეს რაც შეეხება, მაილს ტერნერის არყოფნის მიუხედავად, ქართველ ცენტრს სათამაშო დრო არ მიუღია. „მავერიქსმა“ „პეისერსის“ დამარცხებით 3-მატჩიანი მოუგებელი სერია შეწყვიტა, „ინდიანამ“ კი ზედიზედ მეორედ წააგო.