ემბოლო სახურავიდან გაიქცა, მაგრამ პოლიციამ მაინც დააკავა!
გერმანული "გლადბახის" ფეხბურთელი ბრილ ემბოლო კორონავირუსთან ბრძოლის მიზნით დადგენილ წესებს არ ემორჩილება. შვეიცარიელი ფეხბურთელი პოლიციამ დააკავა.
საქმე იმაში გახლავთ, რომ 23 წლის თავდამსხმელი გერმანიის ქალაქ ესენში წვეულებაზე იმყოფებოდა, რომელიც მალულად იმართებოდა. ეს ამბავი გასკდა და ადგილზე პოლიცია მივიდა, რა დროსაც ემბოლო შენობის სახურავზე აძვრა და გაიქცა. შვეიცარიელი გვერდით შენობაში დაიმალა.
Police have reported that Swiss footballer Breel Embolo has been identified as a 'person fleeing over the roof in a nearby apartment' as they arrived to shutdown a party with 23 people last Saturday.
— Footy Accumulators (@FootyAccums) January 21, 2021
(Kicker) pic.twitter.com/LGuqxFewp3
პოლიციამ ხსენებული შენობა გაჩხრიკა და ახალგაზრდა შემტევი სწორედ იქ აღმოაჩინა. ბრილი ყველაფერს უარყოფს. მისი თქმით, ის ესენში მეგობრის საკალათბურთო მატჩის საყურებლად ჩავიდა.
აღსანიშნავია, რომ ემბოლომ დაწესებული აკრძალვები უკვე დაარღვია და ამის გამო მე-17 ტურში "ვერდერის" წინააღმდეგ არ ითამაშა. აქედან გამომდინარე სავარაუდოა, რომ ბრილი ესენში მდებარე რესტორანში გამართულ წვეულებაზე მართლაც იმყოფებოდა.
შეგახსენებთ, რომ 22 იანვარს "გლადბახს" მნიშვნელოვანი მატჩი ელოდება "დორტმუნდთან". ჯერჯერობით უცნობია რა ბედი ეწევა ემბოლოს და იქნება თუ არა მომავალი მატჩის განაცხადში.