სიმეონეს 308-ე - არაგონესის რეკორდს გაუთანაბრდა
დიეგო სიმეონემ მადრიდის „ატლეტიკოს“ ისტორიაში კიდევ ერთი გამორჩეული რეკორდი გაიმეორა და ლუის არაგონესის შედეგს გაუთანაბრდა.
საქმე „როხიბლანკოს“ მთავარი მწვრთნელის რანგში მოპოვებულ გამარჯვებებს ეხება. აქამდე აბსოლუტური რეკორდი არაგონესს ეკუთვნოდა, რომლის ხელმძღვანელობითაც მადრიდელებმა 308 თამაში მოიგეს, სიმეონემ კი ამ მაჩვენებელს „ვილიარეალთან“ მიღწეული გამარჯვებით მიაღწია.
„ჩოლო“ „ათლეტებს“ 612 ოფიციალურ შეხვედრაში გაუძღვა, რომელთაგანაც მისმა გუნდმა 308 მოიგო, 135 ფრედ დაასრულა და 169-ჯერ დამარცხდა.
308 - Diego Simeone ???????? has earned his 308th victory as @atletienglish coach in all competitions (P512 W308 D120 L84), equaling Luis Aragonés ???????? for most all-time wins with the Rojiblancos (P612 W308 D135 L169). Cholo. pic.twitter.com/N5FkH3O8Ue
— OptaJose (@OptaJose) February 28, 2021
„ატლეტიკომ“ ლა ლიგის 25-ე ტურში „ვილიარეალს“ სტუმრად აჯობა და ლიდერობა განიმტკიცა. სიმეონეს შეგირდებს 58 ქულა მოუგროვდათ და მე-2 ადგილოსან “ბარსელონას“ 5 ქულით უსწრებენ.
ცხრილში მე-3 ადგილზე „რეალია“, რომელსაც თანაქალაქელზე 6-ით ნაკლები ქულა აქვს და თავის შეხვედრას, „სოსიედადის“ წინააღმდეგ, დღეს ჩაატარებს. შემდეგ ტურში კი დიდი მადრიდული დერბია - „ატლეტიკო“ „რეალს“ „ვანდა მეტროპოლიტანოზე“ უმასპინძლებს.
