შენგელიამ ტრავმა მოიშუშა და მინდორს უბრუნდება
თურქული ''ქონიას'' 25 წლის ქართველმა შემტევმა ლევან შენგელიამ ტრავმა მოიშუშა და სუპერლიგის უახლოეს მატჩში მონაწილეობას მიიღებს. საქართველოს ეროვნული ნაკრების შემტევმა CrystalSport-თან საუბარში აღნიშნა, რომ ბოლო ორი მატჩი ტრავმის გამო გამოტოვა, თუმცა ახლა თავს კარგად გრძნობს და მოედანს უბრუნდება.
3 მარტს ''ქონია'' ''ბაშაქშეჰირს'' ესტუმრება, 8 მარტს კი ''ფენერბახჩეს'' უმასპინძლებს.
მიმდინარე სეზონში ლევან შენგელიამ თურქეთის სუპერლიგის 21 მატჩში 3 გოლი შეაგდო და 3 საგოლე პასი შეასრულა. ასევე, თურქეთის თასის ორ მატჩში მიიღო მონაწილეობა და 1 საგოლე პასი ჩაიწერა აქტივში.
21-გუნდიან თურქეთის სუპერლიგაში ''ქონია'' 31 ქულით მე-12 ადგილზეა და გასავარდნ ზონას 6 ქულით უსწრებს.
შენგელია თურქულ კლუბში მეორე სეზონს ატარებს. მიმდინარე სეზონის დასრულების შემდეგ შესაძლოა ''ქონია'' დატოვოს.