ისევ სლოვაკეთში - ჰამშიკი 3 თვით მშობლიურ კლუბს შეუერთდება
სლოვაკი ვარსკვლავი მარეკ ჰამშიკი ჩინეთიდან ევროპაში ბრუნდება და კარიერას მშობლიურ კლუბ ბრატისლავის „სლოვანში“ გააგრძელებს.
Sky Sport Italia-ს ცნობით, 33 წლის ნახევარმცველმა „დალიან იიფანთან“ კონტრაქტი ურთიერთშეთანხმების საფუძველზე გაწყვიტა, უახლოეს დღეებში კი უკვე ბრატისლავაში ელოდებიან.
ჰამშიკი „სლოვანს“ დროებით შეუერთდება და მასთან 3-თვიან ხელშეკრულებას გააფორმებს, ხოლო სეზონის დასრულების შემდეგ სხვა კლუბების წინადადებებს განიხილავს.
მარეკ ჰამშიკი „სლოვანში“ 2002-04 წლებში თამაშობდა, შემდეგ „ბრეშას“ მაისური მოირგო, 2007-დან 2019 წლამდე კი „ნაპოლის“ ღირსებას იცავდა.