''დაუჯერებელია, ამ აბსურდზე კომენტარის გაკეთება'' - მარკიზიომ პოლიტიკაში წასვლა გამორიცხა

იტალიურმა მედიამ გაავრცელა ინფორმაცია, რომ ტურინის ''იუვენტუსის'' ექს-ნახევარმცველი კლაუდიო მარკიზიო შესაძლოა ტურინის მერის არჩევნებში ერთ-ერთი კანდიდატი ყოფილიყო, თუმცა ფეხბურთელმა ინფორმაცია არ დაადასტურა.

მარკიზიომ ინფორმაციას აბსურდა უწოდა: ''დაუჯერებელია, რომ ამ აბსურდზე კომენტარი უნდა გავაკეთო. პოლიტიკა სერიოზული რამ არის. მოდით, სერიოზულები ვიყოთ''.

Quello che trovo incredibile è che debba anche rispondere a queste assurdità.
La politica è una cosa seria.
Allora per favore facciamo i seri.#Torino ❤️ pic.twitter.com/GpgAuOtZyv

— Claudio Marchisio (@ClaMarchisio8) March 4, 2021

იტალიური მედია წერდა, რომ 35 წლის იტალიელი კენჭს დემოკრატიული პარტიის სახელით იყრიდა, თუმცა მან ეს ინფორმაცია არ დაადასტურა.

2005-18 წლებში მარკიზიო ''იუვენტუსის'' ღირსებას იცავდა. ის ტურინშია დაბადებული და კარიერის საუკეთესო წლები მშობლიური ქალაქის გუნდს მიუძღვნა. სერია ა-ს გამარჯვებული 7-ჯერ გახდა.

იტალიის ეროვნულ გუნდში 2009-17 წლებში 55 მატჩი ჩაატარა და 5 გოლი შეაგდო.