მამუკელაშვილის ბრწყინვალე მატჩი - ორმაგი დუბლი სენტ ჯონსთან
NCAA-ს (სტუდენტური ლიგის) რეგულარული სეზონის დასკვნით ტურში ''სენტ ჯონსმა'' საკუთარ კედლებში ''სეტონ ჰოლი'' 81:71 დაამარცხა.
''სეტონ ჰოლის'' ქართველი ლიდერი სანდრო მამუკელაშვილი თანაგუნდელთა შორის საუკეთესო იყო, მან ორმაგი დუბლი შეასრულა. მამუკელაშვილმა 38 წუთში 15 ქულა, 10 მოხსნა და 4 პასი ჩაიწერა აქტივში. ძალიან პერსპექტიულმა ქართველმა კალათბურთელმა 9-დან 5 ორქულიანი, 4-დან 1 სამქულიანი და 4-დან 2 საჯარიმო ჩააგდო.
Don't lose @Mamukelashvili5! @SetonHallMBB x #BIGEASThoops pic.twitter.com/5Xd4W2uMLY
— #BIGEASThoops (@BIGEASTMBB) March 7, 2021
მამუკელაშვილის გუნდმა დიდი აღმოსავლეთის კონფერენციაში 10 მოგებით და 9 მარცხით რეგულარული სეზონი მე-5 ადგილზე დაასრულა.
რეგულარული სეზონის დასრულების შემდეგ ''სეტონ ჰოლი'' დიდი აღმოსავლეთის კონფერენციის ტურნირში მიიღებს მონაწილეობას, რომელიც ნიუ იორკის "მედისონ სკვერ გარდენში" შედგება.
