ეროვნული ნაკრები მომდევნო სამ საშინაო შეხვედრას ბათუმში გამართავს
Aa
Aa

ეროვნული ნაკრები მომდევნო სამ საშინაო შეხვედრას ბათუმში გამართავს

2 სექტემბერს , 9 ოქტომბერს და 11 ნოემბერს საქართველოს საფეხბურთო ნაკრები ფიფას 2022 წლის მსოფლიო ჩემპიონატის საკვალიფიკაციო ეტაპის მომდევნო სამ საშინაო შეხვედრას გამართავს და როგორც დღეს გახდა ცნობილი, ვილი სანიოლის გუნდი სამივე მატჩს ბათუმის ალხადაშენებულ არენაზე ჩაატარებს.

ამ ინფორმაციას ფეხბურთის ფედერაციისს ვებ გვერდი ავრცელებს.

როგორც ცნობილია აქამდე საქართველოს ნაკრები ზაფხულში 2 ამხანაგურ შეხვედრას გამართავს - 2 ივნისს რუმინეთის ქალაქ პლოიეშტში რუმინეთის ნაკრებს დაუპირისპირდებიან, ხოლო 6 ივნისს ენსხედეში ნიდერლანდებს შეხვდებიან.

შეგახსენებთ, რომ ვილი სანიოლის გუნდი 3 ტურის შემდეგ 1 ქულით მე-4 პოზიციაზე იმყოფება. „ჯვაროსნებმა“ მიუხედავად ორი მატჩის წაგებისა კარგი შთაბეჭდილება დატოვეს და სექტემბერში ქომაგები პირველი სამი ქულის მოლოდინში არიან.

მსგავსი სიახლეები

ცხელი ამბები