მე-5 ტიტული კარიერაში - ბასილაშვილი მიუნხენის ჩემპიონია!
მიუნხენში, BMW OPEN-ის 250-ქულიანი კატეგორიის ფინალში ნიკოლოზ ბასილაშვილი იან-ლენარდ შტრუფს დაუპირისპირდა და მძიმე ბრძოლაში ორ სეტში 6:4 7:6 დაამარცხა.
პირველ სეტში ნიკოლოზმა ბრეიკიანი უპირატესობა სულ მალე მოიპოვა და სეტი დამაჯერებლად მოიგო. მეორე სეტში მოთამაშეები საკუთარ ჩაწოდებაზე უშეცდომოდ თამაშობდნენ. საბოლოოდ ყველაფერი ტაი ბრეიკზე გადაწყდა. ბასილაშვილმა მეტოქეს 7:5 აჯობა.
???? 2018 Beijing
— ATP Tour (@atptour) May 2, 2021
???? 2018 Hamburg
???? 2019 Hamburg
???? 2021 Doha
???? 2021 Munich
With a 6-4, 7-6 win over Struff in the @BMWOpen2021 final, it's a fifth tour-level title for Basilashvili ????
(via @TennisTV) pic.twitter.com/MtdlhojD2w
ბასილაშვილმა კარიერაში მე-5 ტიტული მოიპოვა. შეგახსენებთ, რომ ქართველ ჩოგბურთელს ჰამბურგის ორი 500-ქულიანი კატეგორიის, ბეიჯინგის და დოჰას ტურნირი აქვს მოგებული. ამ გამარჯვების შემდეგ ნიკოლოზი ATP რეიტინგში 31-ე ადგილზე 1850 ქულით მოგვევლინა.
ცნობისთვის, შტრუფი და ბასილაშვილი დღეს მერვედ შეხვდნენ ერთმანეთს. ამ გამარჯვების შემდეგ სრული თანაფარდობაა. ჩოგბურთელები 4-4 გამარჯვებით იწონებენ თავს.
მომავალი მატჩი
საქართველოს პირველი ნომერი გერმანიიდან ესპანეთში კონკრეტულად კი მადრიდში გადაინაცვლებს და მასტერსზე იასპარეზებს. ნიკოლოზის პირველი მეტოქე ბენუა პერი იქნება, რომლის დამარცხების შემთხვევაშიც მომდევნო ეტაპზე სტეფანოს ციციპასს დაუპირისპირდება.
