ბითაძის 7 ქულა და 3 დაფარება - ინდიანამ ოვერტაიმში წააგო
„ინდიანა პეისერსმა“ პლეი-ოფში მოსახვედრად ერთ-ერთ მთავარ კონკურენტთან „ვაშინგტონ ვიზარდთან“ მნიშვნელოვანი შეხვედრა დათმო. ინდიანაპოლისელებმა საკუთარ კედლებში დრამატული ბრძოლისა და ოვერტაიმის შემდეგ მატჩი 1 ქულით წააგეს.
ქართველმა ცენტრმა გოგა ბითაძემ 15 წუთი და 42 წამი ითამაშა. მისი მონაგარი 7 ქულა, 2 მოხსნა, 2 გადაცემა, 3 დაფარება და 1 ჩაჭრა იყო. 4-დან 1 სამქულიანი ჩააგდო, 3-დან 2 ორქულიანი და ორჯერ დაჯარიმდა.
Get ???? GOGA pic.twitter.com/c8NxaZqEm8
— Indiana Pacers (@Pacers) May 9, 2021
ბითაძეს საკმაოდ კარგი თამაში ჰქონდა და რამდენიმე ეპიზოდში გამორჩეულიც იყო. მაგალითად, როდესაც ლოპესს მიჯრით ორჯერ ბლოკშოტი გაუკეთა.
1 block wasn't enough for GOGA ???? pic.twitter.com/6jUsn82mxW
— Indiana Pacers (@Pacers) May 8, 2021
რაც შეეხება უშუალოდ შეხვედრას, „ვაშინგტონმა“ 10-ქულიანი სხვაობა დაქაჩა და თამაში დამატებით დროში გადაიყვანა. ბრედლი ბილმა „ვიზარდსს“ ულიდერა და 50 ქულა ჩააგდო. რასელ ვესტბრუკმა კი კარიერაში 181-ე სამმაგი დუბლი გაიფორმა - 33 ქულა, 19 მოხსნა და 15 გადაცემა. „რასი“ ამ მაჩვენებლით ლეგენდარულ ოსკარ რობერტსონს გაუთანაბრდა.
„ინდიანას“ კრის ლევერტმა ულიდერა - 35 ქულა და 14 მოხსნა. სამმაგი დუბლი ჰქონდა დომანტას საბონისს - 30 ქულა, 13 მოხსნა, 13 გადაცემა.
ამ წაგების შემდეგ „ინდიანა“ მე-10 ადგილამდე დაქვეითდა. გოგას გუნდი მომდევნო შეხვედრას 11 მაისს „კლივლენდის“ წინააღმდეგ გამართავს.
