NBA: ბრუკლინმა მილუოკი პირველ შეხვედრაში დაამარცხა
გამთენიისას NBA-ში აღმოსავლეთ კონფერენციის მეოთხედფინალური სერიის პირველი შეხვედრა გამართეს „ბურკლინ ნეტსმა“ და „მილუოკი ბაქსმა“. სტივ ნეშის გუნდმა საკუთარ კედლებში 115:107 მოიგო და 1:0 დაწინაურდა.
შეხვედრა დაძაბული გამოდგა. მასპინძლებს საწყის ორ მეოთხედში მცირე უპირატესობა ჰქონდათ და შესვენებაზე მხოლოდ 2-ქულიანი ფორით გავიდნენ.
გარდამტეხი მესამე მეოთხედი გამოდგა, რომელიც „ნეტსმა“ 35:23 მოიგო. მიუხედავად ბოლო მეოთხედის 6-ქულიანი უპირატესობით მოგებისა, სტუმრებს ეს არ ეყოთ და საბოლოოდ დამარცხდნენ კიდეც.
შეხვედრაში ყველაზე მეტი გიანის ანტეტოკუნმპომ ჩააგდო - 34 ქულა, 11 მოხსნა. ასევე ორმაგი დუბლი ჰქონდა მიდლტონსაც - 13 ქულა, 13 მოხსნა.
გიანისის საუკეთესო მომენტები შეხვედრაში
Serinin ilk maçında Giannis Antetokounmpo'nun (@giannis_an34) 34 sayı ve 11 ribaundluk double-double performansı, Milwaukee Bucks galibiyeti için yeterli olmadı. #NBAPlayoffs pic.twitter.com/kRWLnsII3G
— NBA Türkiye (@NBATurkiye) June 6, 2021
მასპინძელთა შორის ყველაზე მეტი კევინ დურანტმა ჩააგდო - 29 ქულა, 10 მოხსნა. 25 ქულა ჰქონდა კაირი ირვინგს. 18 ქულა და 14 მოხსნა დააგროვა ბლეიკ გრიფინმა.
"კეიდის" საუკეთესო მომენტები შეხვედრაში
★ 29 PTS, 10 REB, 2 BLK @KDTrey5 und die @BrooklynNets gewinnen GM1 gegen die Bucks! #BrooklynTogether 115#FearTheDeer 108 pic.twitter.com/ZbZsBWLryV
— NBA Germany (@NBA_de) June 6, 2021
ექსპერტთა მოსაზრებით ეს წყვილი ყველაზე სანახაობრივი და დაძაბული უნდა გამოდგეს. ვნახოთ გამართლდება თუ არა მოლოდინები.
სერიის მეორე შეხვედრა 8 ივნისს, თბილისის დროით 03:30 საათზე გაიმართება.
