დონჩიჩის მაგია საკმარისი არ აღმოჩნდა - კლიპერსმა დალასი დაამარცხა
„ლოს ანჯელეს კლიპერსისა“ და „დალას მავერიქსის“ საოცარი სერია ოფიციალურად დასრულდა. ლუკა დონჩიჩის გუნდი „სტეიპლს სენთერში“ პირველად დამარცხდა და მათდა სამწუხაროდ, ეს სერიის გადამწყვეტ, მე-7 შეხვედრაში მოხდა.
ტექსასელებმა მატჩი კარგად დაიწყეს და პირველი მეოთხედი სამი ქულით მოიგეს - 38-35. მეორე მეოთხედი „კლიპერსის“ უპირატესობით წარიმართა და მასპინძლები პირველი ნახევრის შემდეგ, 8 ქულით იგებდნენ. მეორე ტაიმის სტარტზე „დალასი“ 19-6 გაიქცა და 5 ქულით დაწინაურდა, თუმცა ლოს ანჯელესელებმა მეტოქეს სათანადოდ უპასუხეს, მესამე მეოთხედის დარჩენილ დროში 24-4 გაიქცნენ და გადამწყვეტ პერიოდს 15-ქულიანი ჰანდიკაპით შეხვდნენ. „მავერიქსმა“ თამაშის გადარჩენა სცადა და ჩამორჩენა 7 ქულამდე დაიყვანა, თუმცა მატჩში გარდატეხა ვერ შეიტანა და საბოლოოდ, 126-111 დამარცხდა.
Reggie and Mook coming up clutch. ???????? pic.twitter.com/8ycFesqdGP
— LA Clippers (@LAClippers) June 6, 2021
ტექსასელთა ლიდერს, ლუკა დონჩიჩს ფენომენალური შეხვედრა ჰქონდა. სლოვენიელმა 46 ქულა, 14 შედეგიანი გადაცემა და 7 მოხსნა გაიფორმა. დონჩიჩი NBA-ის ისტორიაში ყველაზე ახალგაზრდა კალათბურთელი გახდა, რომელმაც პლეიოფის სერიის მე-7 შეხვედრაში მინიმუმ 40 ქულა დააგროვა. ამასთან, იგი მეორეა, ვინც მე-7 შეხვედრაში სულ მცირე 45 ქულა და 10 ასისტი მიითვალა.
Luka closes out his season in magical fashion. ????
— NBA (@NBA) June 6, 2021
46 PTS (#NBAPlayoffs career high)
14 AST
That's the 3rd highest-scoring Game 7 in @NBAhistory. #ThatsGame pic.twitter.com/mGO7A3GUvV
„კლიპერსის“ მხრიდან ლუკას კავაი ლეონარდმა უპასუხა. ამ უკანასკნელმა 28 ქულა, 10 მოხსნა და 9 შედეგიანი გადაცემა დააგროვა და მეორე ნახევარში დონჩიჩის წინააღმდეგ ბრწყინვალე დაცვა ითამაშა. პოლ ჯორჯს 22 ქულა და 10 ასისტი ჰქონდა. მორისი და რეჯი ჯექსონი კი 23 და 15 ქულას დასჯერდნენ.
Kawhi's all-around GAME 7 sends the @LAClippers to the West Semis! #NBAPlayoffs #ThatsGame
— NBA (@NBA) June 6, 2021
28 PTS
10 REB
9 AST
4 STL
10-15 FGM
LAC/UTA Game 1 ⤵️
Tuesday, 10:00pm/et, TNT pic.twitter.com/Po04YYtdTl
„დალასთან“ წარმატების შემდეგ, „კლიპერსი“ NBA-ის ისტორიაში მე-5 გუნდია, რომელმაც საკუთარ კედლებში წაგებული საწყისი 2 მატჩის შემდეგ, მომდევნო ეტაპზე გასვლა მოახერხა. ლოს ანჯელესელთა მომდევნო მეტოქე დასავლეთ კონფერენციაში საუკეთესო შედეგის მქონე „იუტა ჯაზი“ გახლავთ.