ისტორიული გამარჯვება - ბრუკლინმა მილუოკი გაანადგურა
აღმოსავლეთ კონფერენციის მთავარმა ფავორიტმა, „ბრუკლინ ნეთსმა“ ერთ-ერთ კონკურენტს, „მილუოკი ბაქსს“ მეორე შეხვედრაც მოუგო. სტივ ნეშის გუნდმა შესანიშნავი მატჩი ჩაატარა და მეტოქე 39 ქულით დაამარცხა, რაც „ბრუკლინის“ საპლეიოფო ისტორიაში სარეკორდო შედეგია.
„ნეთსმა“ ჯეიმს ჰარდენის გარეშე ითამაშა, თუმცა მთელი შეხვედრის განმავლობაში სოლიდურ უპირატესობას ფლობდა. „ბრუკლინმა“ ყველა მეოთხედი მოიგო და „მილუოკი“ 125-86 გაანადგურა.
RECAP ???? The Nets record the largest margin of victory in franchise playoff history to take a 2-0 series lead over the Bucks
— Brooklyn Nets (@BrooklynNets) June 8, 2021
„ნეთსის“ რიგებში 32 ქულით საუკეთესო კევინ დურანტი იყო. კაირი ირვინგმა თავი 22 ქულას, 5 მოხსნასა და 6 შედეგიან გადაცემას მოუყარა. ჰერისი და ბრაუნი 13-13 ქულას დასჯერდნენ, ხოლო მაიკ ჯეიმსმა მატჩი 10 ქულითა და 3 მოხსნით დაასრულა.
Nothing to see here, just another 30+ point night for Kev
— Brooklyn Nets (@BrooklynNets) June 8, 2021
???? @KDTrey5 ???? pic.twitter.com/3zrnADSqLV
„მილუოკის“ მხრიდან ყველაზე მეტი, 18 ქულა იანის ანტეტოკოუნმპოს ჰქონდა. კრის მიდლტონმა 17 ქულა და 5 მოხსნა მიითვალა, თუმცა პარკეტიდან ნასროლი 20 ბურთიდან მხოლოდ 7 ჩააგდო. ჯრუ ჰოლიდეიმ 13 ქულა დააგროვა, ლოპესისა და ფორბსის ანგარიშზე კი 10-10 ქულა იყო.
Highlights from Game 2. pic.twitter.com/YRG8dZJfsb
— Milwaukee Bucks (@Bucks) June 8, 2021
სტუმრად გამართულ შეხვედრებში განცდილი კრახის შემდეგ, „მილუოკი“ პირველი გამარჯვების მოპოვებას საკუთარ კედლებში შეეცდება. „ბაქსი“ მომდევნო შეხვედრაში მასპინძელი იქნება და 11 ივნისს „ბრუკლინს“ საკუთარ კედლებში დაუპირისპირდება.