დენვერის მორიგი ფიასკო - ფინიქსმა ნაგეთსი მეორედაც გაანადგურა
„ფინიქს სანსმა“, რომელმაც პირველ რაუნდში ასპარეზობას მოქმედი ჩემპიონი, „ლოს-ანჯელეს ლეიკერსი“ გამოთიშა, „დენვერ ნაგეთსი“ მეორე შეხვედრაშიც გაანადგურა. არიზონელებმა საკუთარ კედლებში გამართული მატჩის ყველა მეოთხედი მოიგეს და მეტოქეს 123-98 სძლიეს.
„ფინიქსის“ რიგებში 10-ქულიანი ნიშნული 6-მა კალათბურთელმა გადალახა. საუკეთესო დევინ ბუკერი იყო, რომელმაც ორმაგი დუბლი დუბლი მიითვალა - 18 ქულა, 10 მოხსნა, 2 შედეგიანი გადაცემა. კრის პოლი ასევე ორმაგი დუბლით გამოირჩა - 17 ქულა, 15 შედეგიანი გადაცემა, 5 მოხსნა. მიკალ ბრიჯისი 16 ქულას დასჯერდა, ხოლო ეიტონის ანგარიშზე 15 ქულა და 10 მოხსნა იყო.
???? 17 PTS, 15 AST, 0 TOV for @CP3 ????
— NBA (@NBA) June 10, 2021
Chris Paul becomes the first player in @NBAHistory to reach 15 assists with 0 turnovers three separate times in the #NBAPlayoffs! #ThatsGame @Suns seek 3-0 series lead on Friday at 10 PM ET on ESPN. pic.twitter.com/uixM2u9g5O
„დენვერს“ 24 ქულით, 13 მოხსნითა და 6 შედეგიანი გადაცემით ნიკოლა იოკიჩმა ულიდერა. „ჯოკერის“ გარდა, 11 ქულაზე მეტი „ნაგეთსის“ არც ერთ კალათბურთელს ჰქონია. მაიკლ პორტერ ჯუნიორმა 11 ქულა და 6 მოხსნა გაიფორმა. პოლ მილსაპმა ასევე 11 ქულა დააგროვა, ხოლო უილ ბარტონი 10 ქულას დასჯერდა.
Nice to have ya back, @WillTheThrillB5 pic.twitter.com/qfLh55uPUY
— Denver Nuggets (@nuggets) June 10, 2021
შეგახსენებთ, რომ „ფინიქსის“ სასარგებლოდ სერიაში ანგარიში 2-0-ია. მომდევნო შეხვედრა „დენვერის“ საშინაო არენაზე გაიმართება და მატჩი 12 ივნისსაა ჩანიშნული.
