Playoff P! - კლიპერსმა იუტა კავაი ლეონარდის გარეშე დაამარცხა
„ლოს ანჯელეს კლიპერსის“ ლიდერმა, პოლ ჯორჯმა გააკეთა ის, რასაც მისგან დიდი ხანია ითხოვენ. „პიჯი-13-მა“ „იუტა ჯაზის“ წინააღმდეგ საოცარი შეხვედრა ჩაატარა და საკუთარ გუნდს უმნიშვნელოვანესი გამარჯვება მოაპოვებინა.
კავაი ლეონარდის ტრავმის გამო, „ჯაზი“ აშკარა ფავორიტი გახლდათ და პირველი ტაიმი 5 ქულითაც მოიგო. მეორე ნახევარში ინიციატივას „კლიპერსი“ დაეუფლა და მესამე მეოთხედში მეტოქეზე 14-ით მეტი ქულის ჩაგდების შემდეგ, სასურველ შედეგს მიაღწია - 119-111.
პოლ ჯორჯი ორივე გუნდის რიგებში საუკეთესო იყო და 37 ქულა, 16 მოხსნა, 5 ასისტი, 1 ჩაჭრა და 2 დაფარება დააგროვა. იგი „კლიპერსის“ ისტორიაში პირველი კალათბურთელი გახდა, რომელმაც პლეიოფის შეხვედრაში მინიმუმ 35 ქულა, 15 მოხსნა და 5 შედეგიანი გადაცემა დააგროვა. ჯორჯის გარდა, 25 ქულით მარკუს მორისი გამოირჩა, ხოლო რეჯი ჯექსონი 22 ქულას დასჯერდა.
Paul George's big night propels the @LAClippers to a win in Game 5 and a 3-2 series advantage! #ThatsGame #NBAPlayoffs
— NBA (@NBA) June 17, 2021
37 PTS | 16 REB | 5 AST
Game 6: Friday at 10pm/et on ESPN pic.twitter.com/c1cUPZpFKL
„იუტას“ 32 ქულით ბოიან ბოგდანოვიჩმა ულიდერა. დონოვან მიჩელს 21 ქულა ჰქონდა, რუდი გობერმა 17 ქულა და 10 მოხსნა გაიფორმა, ხოლო ჯორდან კლარკსონმა მატჩი 15 ქულით დაასრულა.
????| @44bojan ⤵️
— utahjazz (@utahjazz) June 17, 2021
32p | 9 3pm | 3r | 9-17 3pm pic.twitter.com/uWfb86jeHp
შეგახსენებთ, რომ კავაი ლეონარდი სავარაუდოდ, მეექვსე შეხვედრასაც გამოტოვებს და „კლიპერსს“ ფონს გასვლა მის გარეშე მოუწევს.