მიდლტონის ისტორიული მატჩი - მილუოკიმ გაათანაბრა და წინ მე-7 შეხვედრაა
„მილუოკი ბაქსი“ და „ბრუკლინ ნეთსი“ აღმოსავლეთ კონფერენციის ფინალისტის ვინაობას მე-7 შეხვედრაში გაარკვევენ. იანის ანტეტოკოუნმპოს გუნდმა სერიის მე-6 მატჩი შესანიშნავად ჩაატარა და მეტოქეს 104-89 სძლია, თანაც არც ერთი მეოთხედი წაუგია.
„ბაქსს“ კრის მიდლტონმა ულიდერა, რომელმაც 38 ქულა, 10 მოხსნა, 5 შედეგიანი გადაცემა და 5 ჩაჭრა მიითვალა. მიდლტონი NBA-ის ისტორიაში პირველი კალათბურთელი გახდა, რომელმაც პლეიოფის შეხვედრაში მინიმუმ 30 ქულა, 10 მოხსნა, 5 ასისტი, 5 ჩაჭრა და 5 სამქულიანი გაიფორმა.
HUGE night for @Khris22m. #ThatsGame
— NBA (@NBA) June 18, 2021
???? 38 PTS (#NBAPlayoffs career high)
???? 10 REB, 5 STL
???? @Bucks W
GAME 7 is Saturday at 8:30pm/et on TNT. pic.twitter.com/xxO5r9svuO
იანის ანტეტოკოუნმპოს 30 ქულა, 17 მოხსნა და 3 ასისტი ჰქონდა, ჯრუ ჰოლიდეიმ კი 21 ქულა, 8 მოხსნა და 5 პასი დააგროვა. ამ სამეულის გარდა, „მილუოკის“ რიგებში 10-ქულიანი ნიშნული არავის გადაულახავს.
Another look at Giannis' rebound & SLAM to hype up the @Bucks crowd inside & outside the building! #ThatsGame pic.twitter.com/etpRrNk8RG
— NBA (@NBA) June 18, 2021
„ბრუკლინს“ 32 ქულითა და 11 მოხსნით კევინ დურანტმა ულიდერა, თუმცა „კეიდის“ 7 დაკარგვაც ჰქონდა. ჯეიმს ჰარდენმა 16 ქულა დააგროვა, გრიფინი და ჰერისი კი 12 და 9 ქულას დასჯერდნენ.
That KD fadeaway. pic.twitter.com/hY4l9ciH2A
— Brooklyn Nets (@BrooklynNets) June 18, 2021
შეგახსენებთ, რომ სერიაში ანგარიში თანაბარია და მე-7 შეხვედრა „ბრუკლინის“ საშინაო სტადიონზე გაიმართება. მატჩი 20 ივნისს, თბილისის დროით 04:30-ზე დაიწყება.
