სამი რაუნდი გატეხილი ნეკნით - გოგოლაძე ფერეირასთან დამარცხდა
ქართველმა მებრძოლმა, ამირან გოგოლაძემ ორგანიზაცია UAE Warriors-ში სადებიუტო ბრძოლა გამართა და UAE Warriors 20-ის ეგიდით ჰენდერსონ ფერეირას დაუპირისპირდა. ჩხუბი 3 რაუნდს გაგრძელდა და ფერეირამ მსაჯების ერთსულოვანი გადაწყვეტილებით იმარჯვა.
The wins continue for Handesson Ferreira after a well-earned UD against Amiran Gogoladze.
— UAE Warriors (@uae_warriors) June 19, 2021
-----@AbuDhabiEvents @VisitAbuDhabi @palmssportsuae@burjeelofficial @ihcuae @adsportstv #inAbuDhabi #AbuDhabi #UAEWarriors #UAEWarriors20 #PalmsSports pic.twitter.com/v44fkZEy59
ბრაზილიელი მებრძოლი შესამჩნევ უპირატესობას ფლობდა და როგორც მოგვიანებით გაირკვა, ამის მიზეზი გოგოლაძის ტრავმა გახლდათ. ბრძოლის შემდეგ, „სნაიპერის“ მწვრთნელმა, მიხეილ მესხმა „ფეისბუქის“ საკუთარ გვერდზე პოსტი გამოაქვეყნა და განაცხადა, რომ ამირანმა პირველივე წამზე ნეკნი გაიტეხა.
„მეგობრებო, ყველას დიდ ბოდიშს გიხდით, გულშემატკივრებს და ყველას. ეს ბრძოლა ჩემი ბრალია. ამირანს პირველ რაუნდში პირველივე წამზე ნეკნი გაუტყდა. ბრძოლა უნდა გამეჩერებინა, მაგრამ ამირანმა არ გამაჩერებინა და ბოლომდე იბრძოლა. არ ვიცი რა გითხრათ. კიდევ ერთხელ, მაპატიეთ ყველამ“.
შეგახსენებთ, რომ „სნაიპერი“ კარიერაში მეორედ დამარცხდა და მის ანგარიშზე 11 მოგება და 2 წაგებაა. ბოლო პერიოდში ამირანისადმი UFC-ის ინტერესზე იწერება და იმედი ვიქონიოთ, რომ მალე UFC-ში კიდევ ერთ ქართველ მებრძოლს ვიხილავთ.
