იანისის რთული გზა და ბეჭედი - მილუოკი NBA-ის ჩემპიონია!
ნაციონალური საკალათბურთო ასოციაციის 2020-21 წლების სეზონი „მილუოკი ბაქსის“ ტრიუმფით დასრულდა. ვისკონსინელებმა სუპერფინალური სერიის მე-6 შეხვედრაში „ფინიქს სანსი“ 105-98 დაამარცხეს, საერთო ჯამში, 4-2 მოიგეს და ლარი ობრაიენის სახელობის თასს 1971 წლის შემდეგ პირველად დაეუფლნენ.
The @Bucks are the 2020-21 NBA Champions! #ThatsGame pic.twitter.com/lMNgoe8tal
— NBA (@NBA) July 21, 2021
მე-6 მატჩში, „მილუოკის“ იანის ანტეტოკოუნმპომ ულიდერა. „გრიკ ფრიკმა“ ფენომენალურად იასპარეზა, ფინალური სერიის MVP გახდა და ბოლო შეხვედრაში 50 ქულა, 14 მოხსნა, 2 შედეგიანი გადაცემა და 5 დაფარება გაიფორმა. იანისი პირველი კალათბურთელია, რომელმაც პლეიოფის შეხვედრაში მინიმუმ 50 ქულა, 10 მოხსნა და 5 ბლოკი მიითვალა. ამასთან, იგი მე-7 მოთამაშეა, რომელმაც სუპერფინალური სერიის შეხვედრაში მინიმუმ 50 ქულა დააგროვა.
????️ Champion.
— NBA (@NBA) July 21, 2021
????️ Finals MVP.
????️ Giannis. pic.twitter.com/Y5qbnVi3SQ
„დიდი მადლობა მილუოკი. თქვენ ჩემი გჯეროდათ და საკუთარი გუნდის რწმენა არასდროს დამიკარგავს. მინდოდა, ტიტული ამ ქალაქში, ამ ბიჭებთან ერთად მომეპოვებინა და ძალიან ბედნიერი ვარ, რომ ეს გამოგვივიდა. შემეძლო, სუპერ გუნდში გადავსულიყავი და ჩემპიონობის მოგებაში ჩემი წვლილი შემეტანა, მაგრამ რთული გზა ავირჩიე და ჩვენ ეს შევძელით!“, - განაცხადა მატჩის შემდეგ იანისმა.
"Wisconsin, we've got a room at the top of the world tonight!"
— NBA (@NBA) July 21, 2021
???? The @Bucks radio call as the franchise captures its first championship in 50 years! pic.twitter.com/Y5yE67bTqj
„მილუოკის“ რიგებში ანტეტოკოუნმპოს გარდა, 17 ქულითა და 5 მოხსნით კრის მიდლტონი გამოირჩა. ბობი პორტისს 16 ქულა ჰქონდა, ხოლო ჯოლიდეიმ და ლოპესმა 12 და 10 ქულა ჩააგდეს. „ფინიქსს“ 26 ქულით კრის პოლმა ულიდერა. დევინ ბუკერს 19 ქულა ჰქონდა. ეიტონისა და კრაუდერის ანგარიშზე კი 12 და 15 ქულა იყო.
