დახვედრა აეროპორტში - ძიუდოს ნაკრები სამშობლოში დაბრუნდა
ქართველი ძიუდოისტები ოლიმპიური თამაშებიდან სამშობლოში დაბრუნდნენ. თბილისის საერთაშორისო აეროპორტში ძიუდოს ნაკრებს ასობით გულშემატკივარი დახვდა.
ტოკიოში მიმდინარე ოლიმპიურ თამაშებზე ძიუდოისტებმა ისტორიული შედეგი დააფიქსირეს. ლაშა გუჯეჯიანის შეგირდებმა 4 მედალი მოიპოვეს, რაც აქამდე არასდროს მომხდარა.
90 კილოგრამ წონით კატეგორიაში ლაშა ბექაური ოლიმპიური ჩემპიონი გახდა. ვერცხლის მედლები კი ვაჟა მარგველაშვილმა, ლაშა შავდათუაშვილმა და გურამ თუშიშვილმა დაისაკუთრეს.
ლაშა ბექაური - ოლიმპიური ჩემპიონი
ლაშა შავდათუაშვილი - ვერცხლის მედლის მფლობელი
გურამ თუშიშვილი - ვერცხლის მედლის მფლობელი
ვაჟა მარგველაშვილი - ვერცხლის მედლის მფლობელი
ლაშა გუჯეჯიანი - ძიუდოს ნაკრების მთავარი მწვრთნელი
გიორგი ათაბეგაშვილი - ძიუდოს ფედერაციის პრეზიდენტი
საქართველოს ნაკრებმა ოლიმპიურ თამაშებზე არაოფიციალურ გუნდურ ჩათვლაში მეორე ადგილი დაიკავა.