გიორგი შერმადინმა ყოფილ გუნდს 29 წუთში 19 ქულა ჩაუგდო

ესპანეთში გიორგი შერმადინის ტენერიფესა და  უნიკახას დაპირისპირება შედგა, რომელიც მასპინძლების სასარგებლოდ, 5-ქულიანი სხვაობით, ანგარიშით - 87-82 დასრულდა.

საქართველოს ეროვნული ნაკრების ცენტრი სასტარტო ხუთეულში იყო, საბოლოო ჯამში, შეხვედრაში 28:50 წუთით ჩაერთო, ამ დროში კი თავი 19 ქულას, 6 მოხსნას, 1 ჩაჭრას და 1 დაფარებას მოუყარა. გიორგიმ 10-დან 7 ორქულიანი და 6-დან 5 საჯარიმო ჩააგდო, ბურთი 4-ჯერ დაკარგა, 3 პერსონალური ფოლი მიიღო, მის წინააღმდეგ კი 7-ჯერ დაჯარიმდნენ.

შერმადინის სარგებლიანობის კოეფიციენტი 22-ს გაუტოლდა.

შეგახსენებთ, რომ შერმადინი უნიკახას რიგებში 2017-2019 წლებში გამოდიოდა.

ამ ეტაპზე ტენერიფე მე-10 ადგილზე იმყოფება (1 გამარჯვება / 1 მარცხი).  ქართველი ლეგიონერის გუნდი მომდევნო მატჩს 25 სექტემბერს, ბილბაო ბასკეტთან ჩაატარებს.

შემოუერთდ ჩვენს Facebook ჯგუფს - საგოლე გადაცემა