მატჩის MVP - შერმადინის მორიგი ნაყოფიერი თამაში და გამარჯვება
ესპანეთის ACB ლიგის მე-3 ტურში „ლენოვო ტენერიფემ“ „ბილბაოს“ უმასპინძლა და 89:79 დაამარცხა.
მორიგი ბრწყინვალე შეხვედრა ჩაატარა მასპინძელთა ქართველმა ცენტრმა გიორგი შერმადინმა, რომელმაც პარკეტზე 23 წუთი დაჰყო და მისი მონაგარი 19 ქულა, 4 მოხსნა და 2 გადაცემა იყო.
შერმადინმა 9-დან 7 ორქულიანი და 6-დან 5 საჯარიმო ჩააგდო. მისი მარგი ქმედების კოეფიციენტი 26 იყო, რაც ორივე გუნდის რიგებში საუკეთესო მაჩვენებელი გახლდათ. შედეგად ქართველი კალათბურთელი შეხვედრის MVP გახდა.
???? #MVP @gioshermadini ???? pic.twitter.com/NzUuAzNcw9
— Lenovo Tenerife (@CB1939Canarias) September 25, 2021
ესპანეთის ჩემპიონატში „ტენერიფეს“ 3 ტურის შემდეგ 2 მოგება და 1 მარცხი აქვს. სატურნირო ცხრილში კი მე-6 პოზიციაზე იმყოფებიან. მომდევნო შეხვედრას შერმადინის გუნდი 3 ოქტომბერს, სტუმრად მადრიდის „რეალთან“ გამართავს.
შემოუერთდით ჩვენს Facebook ჯგუფს საგოლე გადაცემა