აეროპორტში დახვედრა - წარმატებული მთამსვლელები სამშობლოში დაბრუნდნენ
ქართველმა მთამსვლელებმა მორიგი წარმატება მოიპოვეს და პაკისტანში, ჰინდუკუშის მთათა სისტემაში ორი მწვერვალი დალაშქრეს.
არჩილ ბადრიაშვილმა, გიორგი ტეფნაძემ და ბაქარ გელაშვილმა დალაშქრეს ლანგუტა-ბარფის 6,833 მეტრიანი და სარაგრარის ჩრდილო-დასავლეთის მარშრუტი, რომლის სიმაღლე 7,303 მეტრია.
სარაგრარს აქვს მრავალფეროვანი მწვერვალები, ყველაზე მაღალი ჩრდილო -აღმოსავლეთით 7340 მეტრი სიმაღლეზე. აქ პირველად ავიდა 1959 წელს იტალიური ექსპედიცია ფოსკო მარინის ხელმძღვანელობით, ხოლო ლანგუტა-ბარფი პირველად დალაშქრა 1963 წელს პოლონურმა ექსპედიციამ, თუმცა საქართველოს ნაკრები პირველია, რომელმაც წარმატებით მიაღწია მწვერვალს სამხრეთიდან და ქართულ მთამსვლელობას საერთაშორისო სარბიელზე მორიგი აღიარება მოუტანა.
შემოუერთდით ჩვენს Facebook ჯგუფს საგოლე გადაცემა