პირველი მთავარი მოვლენა 2022 წელს - UFC ჭიკაძე VS კატარზე მუშაობს
MMA-ის სამყაროში ერთ-ერთი ყველაზე ცნობილი ვებგვერდის, MmaJunkie-ის ინფორმაციით, UFC 2022 წლის პირველი ღონისძიების მთავარ მოვლენაზე უკვე მუშაობს და თუ ყველაფერი გეგმის მიხედვით ჩაივლის, ქომაგები გიგა ჭიკაძისა და კელვინ კატარის ჩხუბს იხილავენ.
ჭიკაძისა და კატარის ბრძოლა 15 იანვარს გაიმართება და ღონისძიების ჩატარების ადგილი უახლოეს პერიოდში გახდება ცნობილი. MmaJunkie-ის მიხედვით, მებრძოლებს კონტრაქტისთვის ხელ ჯერ არ მოუწერიათ, მაგრამ უდიდესი ალბათობით, ყველაფერი უახლოეს მომავალში გაოფიციალურდება. MmaJunkie ამ ინფორმაციას UFC-სთან დაახლოებულ ორ პირზე დაყრდნობით ავრცელებს, რომლებმაც ანონიმურობის შენარჩუნება ისურვეს.
The UFC is zoning in on its first main event of 2022 as @CalvinKattar vs. @Giga_Chikadze is in the works for January! ????
— MMA Junkie (@MMAjunkie) October 8, 2021
News via @mma_kings, @MMAjunkieJohn
Full story: https://t.co/3qjArl8kll pic.twitter.com/fIwiCh9PXq
შეგახსენებთ, რომ გიგა ჭიკაძის ანგარიშზე 14 გამარჯვებაა. „ნინძას“ UFC-ში 7-დან 7 ბრძოლა აქვს მოგებული და ქვემსუბუქი წონითი დივიზიონის რეიტინგში მე-8 ადგილს იკავებს. კატარს რაც შეეხება, ამ უკანასკნელის ბალანსზე 22 მოგება და 5 მარცხია. კატარმა ბოლო ბრძოლა 2021 წლის იანვარს გამართა და მაქს ჰოლოუეის დაუპირისპირდა, რომელთანაც მსაჯების ერთსულოვანი გადაწყვეტილებით დამარცხდა.
გამოიწერეთ ჩვენი Youtube არხი