ევროლიგის ტურის საუკეთესო მოთამაშედ თორნიკე შენგელია დასახელდა
ცსკა-ს ქართველი ლეგიონერი თორნიკე შენგელია ევროლიგის მე-2 ტურის საუკეთესო მოთამაშედ დასახელდა.
„არმიელები“ მეორე ტურის შეხვედრაში ევროლიგის მოქმედ ჩემპიონს, „ანადოლუ ეფესს“ დაუპირისპირდნენ და დაძაბულ ბრძოლაში, 100-96 იმარჯვეს.
თორნიკე შენგელიამ ცსკა-ს წარმატებაში უდიდესი წვლილი შეიტანა. საქართველოს ნაკრების კაპიტანმა პარკეტზე 32:29 წუთი გაატარა და საკუთარ გუნდში საუკეთესო იყო. თოკომ 23 ქულა (პირადი რეკორდი ევროლიგაში), 4 მოხსნა და 3 შედეგიანი გადაცემა შეასრულა. შენგელიამ 5-დან 5 ორქულიანი, 3-დან 2 სამქულიანი და 8-დან 7 საჯარიმო ჩააგდო. მისი სარგებლიანობის კოეფიციენტმა 29-ს უწია, რაც ორივე გუნდის რიგებში საუკეთესო მაჩვენებელი იყო და თოკო შეხვედრის MVP გახდა.
The MVP of Round 2...
— Turkish Airlines EuroLeague (@EuroLeague) October 9, 2021
A display of pure POWER from @TokoShengelia23 #EveryGameMatters pic.twitter.com/qMIkMKMdng
თოკომ სეზონი ჩინებულად დაიწყო და გასულ წელთან შედარებით გუნდთან აშკარად უკეთ არის შეთამაშებული, რაც მის შედეგიანობაზეც აისახა.
გამოიწერეთ ჩვენი Youtube არხი
