"საქართველომ კოსოვო შოკში ჩააგდო" - რას წერენ კოსოვოში?
დასრულდა მსოფლიო ჩემპიონატის საკვალიფიკაციო ეტაპის მე-7 ტურის მატჩი კოსოვოსა და საქართველოს ნაკრებს შორის. „ჯვაროსნებმა“ მძიმე ბრძოლაში 2:1 გაიმარჯვეს. სტუმართა მხრიდან გოლები თორნიკე ოქრიაშვილმა და ზურიკო დავითაშვილმა გაიტანეს, ხოლო მასპინძელთა მხრიდან თავი მურიქიმ გამოიჩინა.
მატჩის შემდეგ, კოსოვური მედია საქართველოზე წერს
„საქართველომ კოსოვო დამარცხებით შოკში ჩააგდო. შეხვედრა ქართველების გამარჯვებით 2:1 დასრულდა. მარცხის შემდეგ, კოსოვო მსოფლიო ჩემპიონატის საკვალიფიკაციო ეტაპზე 4 ქულით ბოლო ადგილზე გადავიდა. ამავე რაოდენობის ქულები აქვს საქართველოსაც, თუმცა მეოთხე პოზიციაზეა.”
სატურნირო ცხრილი და მომავალი ტური
ამ მატჩის შემდეგ, საქართველოს ნაკრებს 4 ქულა დაუგროვდა და კოსოვოს გადაასწრო. ცხრილში ახლა ბოლო ადგილზე სწორედ შალანდერის გაწვრთნილი ნაკრებია. მომავალ ტურში „ჯვაროსნები“ საკუთარ კედლებში შვედეთს დაუპირისპირდებიან. მატჩი 11 ნოემბრით თარიღდება და თბილისის დროით 21:00-დან დაიწყება.
გამოიწერეთ ჩვენი Youtube არხი