დეკემბრამდე ვერ ითამაშებს - მენიოს მაჯაზე ოპერაცია სჭირდება
„მილანში“ პრობლემები არ მთავრდება. დღეს გავრცელდა ინფორმაცია, რომ ტეო ერნანდესს კოროანვირუსი დაუდგინდა და მინიმუმ 10 დღე არ იქნება. ამაზე უარესი ფაქტიც დაფიქსირდა. „როსონერის“ მეკარე მაიკ მენიო დაახლოებით დეკემბრამდე ვერ შეძლებს თამაშს.
ყველაფერი ჩემპიონთა ლიგის პირველ ტურში დაიწყო. ფრანგმა მეკარემ მოჰამედ სალაჰს პენალტი აუღო, რა დროსაც ხელი დაიზიანა. თავდაპირველი გამოკვლევის შედეგად ტრავმა სერიოზული არ აღმოჩნდა და მენიომ რამდენიმე მატჩში მონაწილეობა მიიღო, თუმცა დღეს სიტუაცია რადიკალურად შეიცვალა.
#UCL Sortir un penalty de Mo Salah à Anfield, il faut le faire...
— L'UEFA ???????? (@UEFAcom_fr) September 18, 2021
Bien joué Mike Maignan! ⛔???????? pic.twitter.com/kOqnmc6JVY
მაიკმა ტკივილები კვლავ იგრძნო და ჩატარებული გამოკვლევის შედეგად დადგინდა, რომ მენიოს მაჯაზე ოპერაცია სჭირდება. ამის გამო კი ის 2 თვით იუქმებს. აღსანიშნავია, რომ პიოლის გუნდს მისი სრულფასოვანი შემცვლელი არ ჰყავს. ამჟამად იტალიური გრანდი 36 წლის ციპრიან ტატარუშანუს იმედზეა.
ქართველ გულშემატკივრებს რუმინელი მეკარე თბილისის „დინამოსა“ და „სტიაუას“ მატჩიდან ახსოვთ. ტატარუშანუმ ჩისკოს დარტყმული პენალტის მოგერიება შეძლო.
გამოიწერეთ ჩვენი Youtube არხი