ჰალერის დუბლი და დაწერილი ისტორია - აიაქსმა ბეშიქთაში დაამარცხა
ჩემპიონთა ლიგის მე-5 ტურში ამსტერდამის „აიაქსი“ სტუმრად სტამბოლის „ბეშიქთაშს“ დაუპირისპირდა და 2:1 დაამარცხდა.
ერიკ ტენ ჰაგის გუნდს B ჯგუფში ქულათა მაქსიმუმი აქვს და ერთპიროვნული ლიდერიც გახლავთ. 5 მატჩი, 5 მოგება, 16 გატანილი და 3 გაშვებული ბურთი.
აღსანიშნავია, რომ ამსტერდამელთა რიგებში ორივე გოლის ავტორი სებასტიან ჰალერი გახდა, რომელიც რობერტ ლევანდოვსკის გაუთანაბრდა და 9-9 გოლით ბომბარდირთა დავას ლიდერობენ. 27 წლის ფორვარდს 2 საგოლე პასიც აქვს (ლევანდოვსკის 1) და ამის გამო პირველ პოზიციაზე სწორედ ის იმყოფება.
ჰალერმა დღეს ისტორია დაწერა. ის ტურნირის ისტორიაში პირველი ფეხბურთელი გახდა, რომელმაც თავის სადებიუტო სეზონში პირველ 5 შეხვედრაში 9 გოლის გატანა შეძლო.
9 - Sébastien Haller is the first player in UEFA Champions League history to score nine goals in his first five appearances in the competition. Maestro. https://t.co/ReIMTrMuQ9
— OptaJohan (@OptaJohan) November 24, 2021
ასევე აღსანიშნავია, რომ დღეს ამსტერდამელთა კარს ანდრე ონანა იცავდა, რომელსაც 5 თებერვლის შემდეგ თამაში აკრძალული ჰქონდა.
შეგახსენებთ, რომ 25 წლის კამერუნელ მეკარეს ევროპული საფეხბურთო ასოციაციის დისციპლინარულმა ორგანომ დოპინგის დარღვევის გამო დისკვალიფიკაცია მისცა.
