იტალიელ ფრენბურთელს ეგონა, რომ 15 წელი ბრაზილიელ მოდელს წერდა

იტალიელ ფრენბურთელს, რობერტო კაზანიგას 15 წლის განმავლობაში სჯეროდა, რომ მან ინტერნეტით პოპულარული ბრაზილიელი მოდელი, ალესანდრა ამბროსიო გაიცნო, რომელსაც საცოლედ მოიხსენიებდა.

სინამდვილეში, ცნობილი მოდელის ფოტოებს იყენებდა სხვა, რომელიც სპორტსმენს მაიას სახელით გაეცნო და რომელმაც სხვადასხვა დროს მისგან არაერთი ძვირადღირებული საჩუქარი და თანხა მიიღო.

ერთ დღეს ის თავის ოთახში, სიბნელეში იჯდა. დავინახე, რომ ტიროდა. ვკითხე თუ რა სჭირდა, მან მითხრა, რომ შეუყვარდა ადამიანი, რომესაც გულთან დაკავშირებით პრობლემები აქვს და ოპერაცია სჭირდება - თქვა დანილომ, რობერტოს ძმამ, იტალიურ ტელევიზიასთან.

15 წლის განმავლობაში ჩვენ პირადად არასდროს შევხვედრილვართ, რადგან მას ყოველთვის სხვადასხვა მიზეზი ჰქონდა - ჯანმრთელობასთან დაკავშირებული პრობლემები თუ სამსახური. თუმცა, ონლაინ მიმოწერითა და ხმოვანი ზარებით შემიყვარდა. ის ყოველთვის მეკონტაქტებოდა, გზაში, როდესაც სავარჯიშოდ მივდიოდი, მატჩებისა და ძილის წინ.

როგორ მიიღო მან ჩემგან 700 000 ევრო, რომელიც სესხის სახით ავიღე და  ავტომობილი Alfa Romeo Mito? არ ვიცი, პასუხი არ მაქვს. ეს კოშმარია, რამაც წლები წამართვა, - განუცხადა რობერტო კაზანიგამ გაზეთ Corriere Della Sera-ს.

საბოლოოდ, გაირკვა, რომ 15 წლის განმავლობაში იტალიელ ფრენბურთელს სარდინიელი ქალი, ვინმე სახელად ვალერია ატყუებდა.

რაც შეეხება ალესანდრა ამბროსიოს, ის თანამედროვე მოდის სამყაროში ერთ-ერთი ყველაზე პოპულარული და მაღალანაზღაურებადი სახეა. 1981 წლის 11 აპრილს დაბადებულ მოდელს 2 შვილი ჰყავს.