ბულგარეთში ერთა ლიგის ჯგუფი მოეწონათ: ,,ძალიან ბედნიერები ვართ"

საქართველოს ეროვნული ნაკრებისთვის მომავალი, 2022 წელი საკმაოდ დატვირთული იქნება.  ჩვენი გუნდი 2022 წლის მარტში შეიკრიბება და ამხანაგურ შეხვედრას გამართავს (მეტოქე ჯერჯერობით, ცნობილი არ არის), ხოლო იქამდე, UEFA-ს ერთა ლიგის 2022/23 წლის სეზონის შესახებ გავიგეთ.

წილისყრამ გამოარკვია, რომ ჩვენი ნაკრები C ლიგის მე-4 ქვეჯგუფში ითამაშებს: გიბრალტარი, საქართველო, ჩრდილოთ მაკედონია, ბულგარეთი;

ერთა ლიგის წილისყრას ბულგარეთის ეროვნული ნაკრების მწვრთნელი, იასენ პეტროვი გამოეხმაურა:

რა თქმა უნდა, ჩვენს თითოეულ მეტოქეს ვაფასებთ და პატივს ვცემთ, თუმცა აღვნიშნავ, რომ ამ ჯგუფით ბედნიერი ვარ.

პირველი ადგილისთვის მაქსიმუმს გავიღებთ მიუხედავად იმის, რომ კალენდარი საკმაოდ მჭიდრო იქნება.

სხვადასხვა დროს, საქართველოსა და ბულგარეთის ნაკრებები ერთმანეთს 6-ჯერ შეხვდნენ, აქედან 4 მატჩი ოფიციალური იყო, ხოლო 2 - საერთაშორისო ამხანაგური შეხვედრა. საქართველოს ნაკრების სტატისტიკა ბულგარეთის წინააღმდეგ ასეთია:

გამარჯვება - 1, ფრე -1, მარცხი - 4 (მათ შორის, 2 ამხანაგური მატჩი).

ფოტო: საქართველოს ფეხბურთის ფედერაცია

ჩვენს ჯგუფში მოხვედრილი ბულგარეთი სანიოლის ფორმაციის ნაკრებისთვის ნაცნობია - მიმდინარე წლის 8 სექტემბერს, საქართველოს ნაკრები მომავალ მეტოქეს ამხანაგურ მატჩში დაუპირისპირდა და ვასილ ლევსკის სახელობის სტადიონზე 4 გოლი მიიღო (4-1).