"მოგებას მოწყურებულები ვართ" - ხელბურთელთა ნაკრების ღია ვარჯიში

საქართველოს ხელბურთის ეროვნული ნაკრები თბილისში შეიკრიბა და ინტენსიური სავარჯიშო პროცესი დაიწყო.  ევროპის 2024 წლის ვაჟთა ჩემპიონატის შესარჩევ რაუნდში საქართველოს მეტოქე ფინეთის ნაკრებია, რომელსაც ორმატჩიან პლეი ოფში ვეთამაშებით. ჩვენი ნაკრები პირველ შეხვედრას 5 იანვარს თბილისში, ოლიმპიურ სასახლეში, მეორეს კი – 9 იანვარს სტუმრად გამართავს. ორმატჩიან დუელში გამარჯვებული გუნდი ევროპის ჩემპიონატის დასკვნით შესარჩევ ეტაპზე, ჯგუფში გადაინაცვლებს.

შეგახსენებთ, რომ ორმატჩიანი პლეი ოფის პირველი შეხვედრა 5 იანვარს 19:00 საათზე თბილისში, ოლიმპიურ სასახლეში დაიწყება. დასწრება თავისუფალია (აუცილებელია კოვიდრეგულაციების დაცვა).

საქართველოს ხელბურთის ეროვნულმა ნაკრებმა დღეს მომავალი მატჩებისთვის მომზადება დაიწყო და ღია ვარჯიში ჩაატარა.

სანდუ ფლორინ იაკობი(მთავარი მწვრთნელი)

გიორგი დიხამინჯია(ნაკრების ხელბურთელი)

თეიმურაზ ორჯონიკიძე(ნაკრების ხელბურთელი)

საქართველოს ხელბურთის ნაკრების შემადგენლობა კი ასე გამოიყურება:

გიგა ტორონჯაძე (ბსბ), ზურაბ ცინცაძე, რევაზ ჭანტურია, მირიან გავაშელიშვილი (სამივე „პრილეპი“ ჩრდ. მაკედონია), გიორგი ცხოვრებაძე („ვინტერთური“ შვეიცარია), გიორგი დიხამინჯია („ლიუბენაუ“ გერმანია), ერეკლე არსენაშვილი („სპორტინგი“ პორტუგალია), ირაკლი ჩიქოვანი („კონსტანცა“ რუმინეთი), თეიმურაზ ორჯონიკიძე („კოკსი“ ფინეთი), აკაკი პატაშური („არგოსი“ საბერძნეთი), ირაკლი კბილაშვილი („სუჩავა“ რუმინეთი), ზურაბ აბრამიშვილი, ირაკლი გოგოლაძე , უჩა მაისურაძე (სამივე „ბსბ“), ლექსო წითელიშვილი, ზურაბ სიმონია ( ორივე „ქუთაისი“)

წყარო და ვიდეო - საქართველოს ხელბურთის ფედერაცია