შენგელიას 9 ქულა - ვირტუს ბოლონია ევროთასის ნახევარფინალშია
ევროთასის მეოთხედფინალში „ვირტუს ბოლონიამ“ „რატიოფარმ ულმის“ უმასპინძლა და უმძიმეს ბრძოლაში 83:77 დაამარცხა. იტალიური კლუბი ნახევარფინალში გავიდა.
სასტარტო ხუთეულში მოგვევლინა თორნიკე შენგელია, რომელმაც პარკეტზე 27 წუთი და 26 წამი დაყო. ამ პერიოდის განმავლობაში საქართველოს ნაკრების კაპიტანმა 9 ქულა, 4 მოხსნა და 2 შედეგიანი გადაცემა დააგროვა.
მასპინძელთა მხრიდან ყველაზე გამორჩეული მუჰამადუ ჟატიე იყო, რომელმაც არასრულ 27 წუთში 27 ქულა, 11 მოხსნა და 1 პასი მიითვალა.
შეგახსენებთ, რომ „ვირტუს ბოლონია“ ნახევარფინალში „ლევალოისსა“ და „ვალენსიას“ შორის გამარჯვებულს დაუპირისპირდება.
VITTORIA E SEMIFINALE ⚪️⚫️
— Virtus Segafredo Bologna (@Virtusbo) April 26, 2022
In una gara al cardiopalma la Segafredo porta a casa la vittoria con Ulm con 27 punti di Jaiteh e tanto tanto carattere ????????????#WatchUs #7DAYSEuroCup #RoadToGreatness pic.twitter.com/rTiiuknFE2
