ჩემპიონთა ლიგაზე ბათუმის დინამოს სავარაუდო მეტოქეები ცნობილია
საქართველოს მოქმედი ჩემპიონი ბათუმის „დინამო“ ზაფხულიდან ჩემპიონთა ლიგის საკვალიფიკაციო ეტაპზე ჩაებმება.
გია გეგუჩაძის გუნდი განუთესავთა შორის მოხვდა და დღეს მათი სავარაუდო 8 მეტოქის ვინაობა გახდა ცნობილი. ჯამში ასეთი 17 იქნება, ჩემპიონატების დასრულების შემდეგ ყველა მათგანის სახელი გვეცოდინება.
ამჟამად სავარაუდო მეტოქეთა სია ასეთია: მალმიო, ლუდოგორეცი, ბოდო გლიმტი, სლოვანი, ფერენცვაროში, ჰიკი, ჟალგირისი, ნიუ სეინტსი.
საქართველოს ჩემპიონი ჩვენს ქვეყანას ჩემპიონთა ლიგის საკვალიფიკაციო ეტაპზე ისტორიაში პირველად წარადგენს. სხვადასხვა დროს, 1923 წელს დაარსებული აჭარული კლუბი საქართველოს თასისა (1997-1998) და საქართველოს სუპერთასის გამარჯვებული (1998) გახლდათ, ასევე 4-ჯერ ქვეყნის ვიცე-ჩემპიონი (1997–1998, 2014–2015, 2019/2020), თუმცა მათთვის ოქროს მედალი პირველია.
ბათუმის დინამო კრისტალბეთ ეროვნულ ლიგაში
შეგახსენებთ, რომ გია გეგუჩაძის გუნდმა კრისტალბეთ ეროვნული ლიგის მე-9 ტურში ქუთაისის ''ტორპედო'' შინ მოქმედ ჩემპიონ ბათუმის ''დინამოსთან'' დამარცხდა - 0:3.
9 ტურის შემდეგ ბათუმის ''დინამო'' 22 ქულით პირველ ადგილზეა, გორის ''დილას'' 3 ქულით უსწრებს, ''საბურთალოსა'' და თბილისის ''დინამოს'' - 7-7 ქულით.
მომდევნო ტურში ბათუმის ''დინამო'' ბოლნისის ''სიონს'' ესტუმრება (20 აპრილი, 16:00), ქუთაისის ''ტორპედოს'' მეტოქე ''რამაზ შენგელიაზე'' თბილისის ''დინამო'' იქნება (29 აპრილი, 21:00).